VOV4.Jarai - Tom brơi (25/2), Kông ang tơring čar Gia Lai pơphun ngă lơphet pơphun bruă, brơi sang dô̆ hăng jao prăk pơdŏng sang yua kơ Ding jum Kông ang djru amăng jơlan hơdră gum tơngan hrŏm lŏm lui sang tơ̆i ƀơi tơring čar.

VOV4.Jarai-Khul pơgang mơnuih drơi jăn ƀu klă hăng pơgang ba čơđai tơring čar Dak Lak hơmâo pơphun ƀơk brơi 100 anung prăk djru hrăm hră brơi ƀing čơđai drơi jăn ƀu klă hăng čơđai drit druai sang anŏ tơnap tap amăng plơi prong Buôn Ma Thuột.

VOV4.Jarai-Tơlơi lăi pơthâo mơng Jơnum min mơnuih ƀôn sang tơring čar Dak Lak truh ră anai, hơdôm anom bruă, ƀôn lan amăng tơring čar hơmâo jak iâu pơgôp abih tih ñu rơbêh 193 klai prăk kiăng ngă tui jơlan hơdră ruh pơkra glăi sang dŏ jang jai, sang tơ̆i rơ̆i brơi hơdôm sang anŏ ƀun rin, giăm ƀun rin.

VOV4.Jarai - Rơwang hrơi tơjuh rơgao, găh yŭ tơlơi git gai mơ̆ng Khua git gai pơ ala mơnuih ƀôn sang dêh čar ơi Trần Thanh Mẫn, Jơnum min apăn bruă Khua pơ ala mơnuih ƀôn sang dêh čar jơnum pel ĕp, lăng glăi Tơlơi pơtrun pơsit kơ bruă jao, tơlơi dưi rơđah hăng hơdră pơphun bruă mơ̆ng Khul wai lăng djuai ania, hơdôm Jơnum min mơ̆ng Khua pơ ala mơnuih ƀôn sang. Mông jơnum pơphun tơdơi kơ Jơnum min apăn bruă Khua pơ ala mơnuih ƀôn sang dêh čar ngă giong amăng Tal jơnum ƀu hmâo pơkă hlâo lok 9, Khua pơ ala mơnuih ƀôn sang dêh čar tal 15. Mơ̆ng anun, pơsit rơđah bruă jao, tơlơi dưi, hơdră pơphun bruă hơdôm bôh ƀirô mơ̆ng Khua pơ ala mơnuih ƀôn sang dêh čar.

VOV4.Jarai - Lơ 21/2, tui hăng Tơlơi pơtrun mrô 68 mơ̆ng Jơnum min apăn bruă phun pơ ala mơnuih ƀôn sang tal 15 lơ 14/2/2025, Kơnuk kơna dêh čar Việt Nam lăi pơthâo kơ jơlan guai ia rơsĭ amăng kual Tong wing Kơdư dêh čar.

VOV4.Jarai - Lơ 1/3 pơ̆ anăp anai, hơdôm anih ƀơi tơring čar Dak Lak amra ha amăng plĕ pơphun pơdŏng 4.285 bôh sang dô̆ tui Akô̆ bruă 214 lŏm lui sang tơ̆i djru hơdôm bôh sang anô̆ ƀun rin, sang anô̆ ƀun rin ƀơƀiă amăng tơring čar.

VOV4.Jarai-Pơtô hăng hrăm thim ƀudah hrăm pơhrua jing sa tơlơi kiăng lăp djơ̆ mơ̆ng lu čơđai sang hră laih anun nai pơtô. Khă hnun, hrŏm hăng tơlơi kiăng hrăm pơhrua lu hloh, ăt hơmâo mơ̆n tơlơi ngă aka ƀu djơ̆, ƀu hiam kar hăng pơgô̆ brơi hrăm pơhrua gah rơngiao mông hrăm phun amăng anih. Mơ̆ng lơ 14/2/2024, Hră pơtô ba mrô 29 mơ̆ng Ding jum Pơtô hăng Pơjuăt pơkă rơđah kơ bruă pơtô thim, pơtô hăng hrăm pơhrua dưi ngă tui sit nik. Pơkă hăng hơdôm tơlơi pơtrun hlăk ngă tui ră anai, hră pơtô ba anai hơmâo lu tơlơi phrâo hăng pơhưč lu mơnuih đing nao hơmâo tơlơi kiăng phara soh hrơi blan laih rơgao.

VOV4.Jarai - Mơguah lơ 18/2, hăng 463/465 čô khua pơ ala mơnuih ƀôn sang tut bơnut tŭ ư (hơmâo 96,86% mrô khua pơ ala), Khua mua pơ ala mơnuih ƀôn sang dêh čar pơsit mă yua Tơlơi phiăn pơphun bruă Kơnuk kơna (pơkra glăi).

VOV4.Jarai- Ƀing tơhan pơgang guai dêh čar tơring čar Kon Tum hlăk djru hrŏm hur har biă mă jak iâu djop sang bruă pơčruh prăk hăng djru hrơi bruă kiăng man pơdong sang hiam klă, kơjăp hơđong brơi kơ mơnuih ƀôn sang ƀun rin dŏ amăng kual guai dêh čar

VOV4.Jarai-Ăt amăng jơlan hơdră jơnum lok 9 ječ ameč, mơguah hrơi anai, lơ 18/2, ƀing pơ ala mơnuih ƀôn sang dêh čar pơsit hĭ Tơlơi phiăn Pơphun bruă mă amăng Kơnuk kơna dêh čar čih pơhrua glăi.