Ba glăi Bơyan phang pơđao pran kơ ƀing mơnuih arăng djru ba hăng čơđai muai ƀơi Dak Lak
Thứ sáu, 10:43, 13/02/2026
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV.Jarai-Sang bruă djru ba mơnuih mơnam tơnap tap tơring čar Dak Lak, Gơnong bruă ia jrao tơring čar Dak Lak ngă hrŏm hăng lu sang bruă pơphun jơlan hơdră Gala anăn “Bơyan phang bơnga khăp pap-Têt jơngum mơak”, ƀơk gơnam hăng prăk pơpŭ thun phrâo lì xì Têt ƀơi sang bruă rông ba mơnuih mơnam tơnap tap tơring čar hăng čơđai muai drit druai tơnap tap amăng plơi pla.
Anom bruă djru ba mơnuih mơnam hăng čơđai muai tơring čar Dak Lak ră anai hơmâo 351 čô mơnuih tơnap, hơmâo čơđai muai drit druai, mơnuih tha rơma, ƀu klă drơi jăn rơwen rơwo kơtang hăng mơnuih hưt dư plư ƀu hơmâo anih ưh kơnang.
Ƀrô djơ̆ têt Bính Ngọ thun anai, hrŏm hăng bruă prăp lui djop mơnong ƀong huă, gơnam yua brơi kơ ƀing arăng djru ba kiăng ƀong têt mơak klă, trơi pơđao, abih bang 351 čô amra tŭ mă prăk pơpŭ thun phrâo juăt lăi lì xì, kơ sa čô 500 rơbâo prăk; 27 čô čơđai tơnap tap ƀun rin amăng kual plơi pla, dưi djru ba sa boh rơdêh tang rơwang hăng rơnoh prăk 1 klăk prăk laih anun gơnam djru ƀong têt pơkŏn dơ̆ng đơ đa.
Viết bình luận