Khua dêh čar lăi, amăng thun 2025, Kơnuk kơna git gai khut laih, hơmâo lu tơlơi pơtrun, pơsir brơi anŏ tơnap kơ anih mơdrô, biă ñu lĕ sang dŏ sĭ kơ mơnuih tơnap; truh ră anai, hơmâo man pơdong rơbêh 100 rơbâo boh sang laih.

Hăng hơdôm tơlơi gêh găl hăng bruă man pơkra glăk hơmâo, bruă kiăng man giong 1 klăk boh sang amăng thun 2028 dưi ngă tañ hloh kơ 2 thun. Khă hnun, Khua dêh čar črâo pơƀuh, ră anai glăk kiăng hơmâo tơlơi phrâo dong, biă ñu sang dŏ kơ ƀing hơmâo prăk blan aset, dŏ kơƀah mơn anih sĭ mơdrô sang rơgeh ƀiă tui hăng tơlơi kiăng mơ̆ng mơnuih ƀôn sang. Ƀơi mông jơnum, Khua dêh čar kiăng Khul git gai hơmâo tơlơi pơmin djơ̆ hrŏm, pơƀut bơkơtuai đĭ kyar ƀiă anom bruă dưi pơkra rai sang dŏ rơgeh ƀiă, laih dong kiăng hơmâo lu tui mơnuih kiăng blơi sang dŏ, pơhlom bơkơnar amăng bruă ĕp blơi sang dŏ, djru ngă hơđong tơlơi hơdip hăng đĭ kyar anih mơdrô hơđong.