VOV4.Jarai – Ngă tui jơlan hơdră bruă mă thun 2023, rơwang hrơi tơjuh rơgao, Grŭp Črâo ba 35 Ping gah dêh čar pơphun Jơnum đơ đam dêh čar klah čun 5 thun pok pơhai ngă tui Tơlơi pơtrun pơsit mrô 35 mơ̆ng Ping gah dêh čar, lơ 22/10/2018 mơ̆ng Ding jum kơđi čar tal 12 kơ “Kơtưn pơgang phun than tơlơi pơmin mơ̆ng Ping gah, kơdŏng pơgăn glăi tơlơi pơmin ƀu djơ̆, pơareh nao rai amăng rơnuk phrâo” hăng klah čun bruă mă amăng thun 2023, pok pơhai bruă mă thun 2024. Khua mir sir dêh čar ta Võ Văn Thưởng, Khua Grŭp Črâo ba 35 Ping gah dêh čar ta nao pơhmư̆ črâo ba Jơnum.

VOV4.Jarai – Amăng hơdôm thun jê̆ hăng anai, rơnoh pơplih phrâo măi mok hăng pơplih phrâo ƀôn prong mơ̆ng Việt Nam đĭ tañ, pơhlôm apui lơptrik lăi ha jăn, pơhlôm hơđong apui yua lăi ha jăn lĕ tơlơi kiăng hloh ba tơbiă lơm nao hrŏm hăng tơlơi kiăng pơplih phrâo mơtah, kơjăp sui thun. Lăng glăi thun 2023 hmâo lu tơlơi lăp đing nao hăng bruă hơđong apui yua ƀơi dêh čar ta. Tơlơi čih “Pơhlôm hơđong apui yua – sa phun than amăng črâo ba git gai mơ̆ng Gong gai dêh čar thun 2023”.

VOV4.Jarai-Tlam lơ 22/12, ƀơi Hà Nội, Ding jum kông an hăng Anom bruă mơnuih tơpuôl Việt Nam jơnum pơpŭ bơni ƀing mă bruă hur har ba gru hlâo jing kông ñơn, mơnuih mă bruă čar hơmâo gum hrŏm bruă abih bang mơnuih ƀôn sang pơgang rơnuk rơnua dêh čar mơ̆ng thun 2018-2023.

VOV4.Jarai-Anom bruă pơdong amăng să giăm guai Thuận Hạnh, tơring glông Dak Song, tơring čar Dak Nông, hơdôm thun laih rơgao, puih kơđông tơhan wai pơgang guai Dak Song hơmâo gum hrŏm kjăp hăng Ping gah, gong gai ƀon lan laih dong mơnuih ƀôn sang dŏ hơdip, ngă hmua ƀơi kual giăm guai mut hrŏm amăng bruă wai pơgang guai lŏn ia, pơjing bruă wai lăng amăng abih bang mơnuih hơđong kjăp.

VOV4.Jarai-Rơwang hrơi tơjuh rơgao, jơnum lok 28 Jơnum min apăn bruă phun pơ ala mơnuih ƀôn sang dêh čar hơmâo pơgôp hiăp kơ Hơdră mă bruă thun 2024 mơ̆ng Jơnum min apăn bruă phun pơ ala mơnuih ƀôn sang dêh čar hăng djru pơgôp hiăp amăng hră lăi pơthâo pơsir tơlơi mơnuih ƀôn sang rơkâo mơ̆ng anom bruă khua pơ ala mơnuih ƀôn sang dêh čar amăng blan 10 hăng blan 11 thun anai.

VOV4.Jarai - Mơguah tom brơi (lơ 14/12), Ping gah tơring čar Dak Nông pơphun jơnum tum pơƀut glăi 10 thun ngă tui kơčăo bruă akŏ pơdong mơnuih mă bruă phun amăng kual mơnuih ƀôn sang djuai ƀiă laih aun apah bơni, pơpŭ kơ mơnuih mă bruă rơgơi.

VOV4.Jarai-Kiăng pơhlôm djop gơnam sĭ mơdrô bơwih brơi mơnuih ƀôn sang amăng bơyan ngă yang thun phrâo, Jơnum min mơnuih ƀôn sang tơring čar Dak Lak pok pơhai ngă tui hơdră hơđong nua gơnam sĭ mơdrô anŏ či kiăng biă mă rơnuč thun 2023 hăng bơyan mơak ngă yang thun phrâo Giáp Thìn 2024.

VOV4.Jarai - “Ƀiă truh tết laih, tơdah Khua pơ ala mơnuih ƀôn sang dêh čar pơphun jơnum ƀu tui tơđar amra pơphun amăng tong krah blan 1/2024. Kiăng pơtrut tañ bruă prap lui, Jơnum min apăn bruă Khua pơ ala mơnuih ƀôn sang dêh čar amra jơnum dong amăng hơdôm tal jơnum ƀu tui tơđar”.

VOV4.Jarai-Mơguah lơ 12/12, Ƀing Khua pơ ala mơnuih ƀôn sang tơring čar Gia Lai pơphun bưp mơnuih ƀon sang tơdơi kơ jơnum lok 6, Khua pơ ala mơnuih ƀôn sang dêh čar tal XV ƀơi să Ia Hrú, tơring glông Chư Pưh.

VOV4.Jarai – Hăng prăk mă yua rơbêh kơ 408 rơbâo klai prăk, 3 jơlan hơdră lŏn ia pơkă dưi pơhmu kah hăng hơdră pơsit pok jơlan tơtlaih mơ̆ng ƀun rin tơdơi rơbêh kơ dua thun ngă tui ba glăi laih hơdôm bôh tơhnal. Khă hnun hai, bôh tơhnal lăng tui mơ̆ng Khua pơ ala mơnuih ƀôn sang dưi lăi pơthâo glăi phrâo anai: truh ră anai rơgao ha mơkrah črăn jơlan laih, samơ̆ bruă ngă tui ăt bư̆p ƀu ƀiă mơn tơlơi tơnap. Lu anih anom, hơdôm ding jum, gơnong bruă, tơring čar, ƀôn prong ăt dô̆ luk puk mơn, đa dir wir lơm ngă tui 3 jơlan hơdră ngă brơi kơ bruă pơsir prăk kaih hĭ, ƀudah hmâo tơring čar đa amăng tơlơi hmâo prăk ƀu thâo “yua”, khom rơkâo tla glăi ngăn rơnoh kơ ngăn drăp kơnuk kơna.