Ƀơi anăp tơlơi či kiăng prong lu gơnam yua man pơdong pưk sang, Jơnum min mơnuih ƀôn sang tơring čar pơtrun hiăp djop să, plơi pla prăp hlâo gơnam yua mă bruă, mơnuih djru hrŏm, kiăng ngă hơđong nua gơnam sĭ mơdrô pơdong pưk sang, ƀu lui kơ ƀing sĭ mơdrô pơđĭ trun nua tă tăn.

Đơ đam tơring čar hơmâo 89 boh sang dlưh, răm, ia kor kiăng man pơdong glăi hăng ming pơkra pơhrêp hĭ 300 boh sang răm. Truh ră anai, hơmâo rơbêh 50 boh sang man pơdong, 46 boh sang hlăk ming glăi ƀơi 30 boh să, phường, hơmâo tơlơi gum hrŏm abih bang amăng glông bruă kơđi čar, amăng anun tơhan kông an, ling tơhan blah ngă hăng ƀing ngă bruă mơdrô. Jơnum min mơnuih ƀôn sang tơring čar pơtrun hiăp djop sang bruă kơtưn pel ĕp, pơsir khut khăt ngă kơđi ƀing ngă soh djă pioh gơnam hăng sĭ mơdrô pơđĭ trun nua tă tăn. Tui hăng gơnong bruă man pơdong tơring čar Khánh Hòa, tơring čar djru 60 klăk prăk kơ sa boh sang man phrâo hăng pơpha djru 500 tơn simăng, kiăng gir run pơdong giong sang kơ mơnuih ƀôn sang hlâo kơ lơ 15/1/2026 hăng hơdôm sang ming pơkra glăi khom ngă giong hlâo kơ lơ 31/12/2025.