VOV4.Jarai-Amăng jơnum lok 8, Khua pơ ala mơnuih ƀôn sang dêh čar tal 15, amăng rơwang hrơi tơjuh rơgao, ƀing khua mua hơmâo pơčrông sai amăng sang jơnum kơ črăn tơlơi phiăn mă jia sĭ mơdrô gơnam yôm phăn (Čih pơkra glăi). Ƀing khua mua ăt dŏ pơmĭn phara kơ tơlơi pơkă mă jia sĭ mơdrô yôm phăn hăng ia mơmih, tơpai ƀiêr hăng hŏt djŭp. Yua anai lĕ gơnam sĭ mơdrô amra bơdjơ̆ nao tơlơi suaih pral.

VOV4.Jarai-Ƀơi kual giăm guai (să Quang Chiểu, tơring glông Mường Lát, tơring čar Thanh Hóa) hơmâo 1 anih hrăm yôm, hơmâo pơphun tơdơi kơ mông ƀong huă mơmŏt hăng pơđut amăng mlăm. Anai lĕ anih hrăm yôm phăn, yua mơnuih hrăm ƀơi anai lêng lĕ mơnuih tha rơma, yua hơmâo lu tơlơi tơnap phara anun ƀing gơñu ƀu dưi hrăm hră. Lơm hơmâo ƀing apăn bruă, ling tơhan grup bơwih ƀong ling tơhan mrô 5 (Quân khu 4) nao pơtrut pơsur, pok anih pơtô hrăm, neh met wa amăng plơi pla hur har pran jua nao hrăm.

VOV4.Jarai-Tơring čar ba tơbiă hơnong pơkă ruh hĭ rơbêh 3.000 boh sang tơ̆i rơ̆i brơi hơdôm boh sang anŏ djru hơkrŭ, sang anŏ ƀun rin, giăm ƀun rin.

VOV4.Jarai-Mơguah lơ 26/11, ƀing pơ ala mơnuih ƀôn sang dêh čar pơčrong sai hră lăi pơthâo pơgăn tơlơi soh sat, ngă tui kơđi laih phat giong hăng pơsir tơlơi rơkâo mơ̆ng mơnuih ƀôn sang ruah khua.

VOV4.Jarai - Hrơi anai (25/11) Khua pơ ala mơnuih ƀôn sang dêh čar ta pơphun rơwang mă bruă tuč rơnuč. Hrơi anai ƀing khua pơ ala bơkơtuai ƀơi sang rông kơ rơwang bruă Tơlơi phiăn pơplih pơkra, pơhrua nao sa dua mơta tơlơi amăng Tơlơi phiăn lăi pơhưč gơnam sĭ mơdrô.

VOV4.Jarai - Akô̆ rơwang hrơi tơjuh rơgao, Khua pơ ala mơnuih ƀôn sang dêh čar ta pơphun jơnum tal 2 tal jơnum lok 8, Khua pơ ala mơnuih ƀôn sang dêh čar ta tal 15, Khua pơ ala mơnuih ƀôn sang dêh čar ta hmâo đing nao bơkơtuai Tơlơi phiăn pioh kơ nai pơtô. Ƀing Khua pơ ala mơnuih ƀôn sang pơdah pran jua tŭ ư hrŏm prong hăng tơlơi kiăng hloh khom mă yua Tơlơi phiăn pioh kơ nai pơtô pioh ngă giong glông bruă tơlơi phiăn kơ nai pơtô, hrŏm hăng anun hmâo hơdră bruă phara pioh pơdŏng hăng pơđĭ kyar bruă nai pơtô; hơkrŭ pơsir hơdôm tơlơi akă gal amăng wai lăng kơnuk kơna kơ nai pơtô ră anai.

VOV4.Jarai-Hơdor glăi tal 80 thun hrơi akŏ pơjing khul ling tơhan mơnuih ƀôn sang Việt Nam, abih bang amăng ling tơhan hơmâo pơphun lu bruă mă yôm lăp biă mă. Amăng anun hơmâo bruă man pơdong ring bruă hăng djru prăk man pơdong sang brơi kơ ƀing gơ̆p ling tơhan hơđăp, sang hơdor tơngia.

VOV4.Jarai-Lơ 20/11, ƀrô djơ̆ Hrơi hơdor glăi ƀing nai pơtô hrăm Việt Nam, jơnum lok 8 khua mua pơala mơnuih ƀôn sang dêh čar tal 15 pơtum pơčrong sai Tơlơi phiăn Nai pơtô hrăm hră.

VOV4.Jarai-Hơdôm thun rơgao, bruă pơđĭ kyar bơwih ƀong huă gah yŭ glai rưng ƀơi kual Dap kơdư dŏ gun yua hơdôm tơlơi pơkă amăng tơlơi phiăn, mah amăng kual anai hơmâo đơ đam giăm 2,6 klăk ektar glai rưng. Tơlơi phiăn lŏn mơnai thun 2024 hăng hơdôm črăn ngă gêh gal brơi hơdôm boh ƀon lan pơsir hĭ tơnap tap, pok rai jơlan mă yua pơđĭ kyar bơwih ƀong huă hơđong kjăp gah yŭ glai rưng.

VOV4.Jarai-Dong mơng thun 2021 truh ră anai, tơring čar Dak Lak hơmâo pơkra ming, man pơdong phrâo giăm 5.600 boh sang djru brơi mơnuih djru hơkrŭ; sang anŏ ƀun rin, giăm ƀun rin; sang anŏ tui hơdră djru.