Tui hăng anun, rơnoh prăk djru 1.100 klai prăk, mă mơ̆ng ngăn drăp kơnuk kơna pơhlom lui thun 2025, dưi kah pơpha brơi yua kơ bruă ječ ameč, čuk pơkra glăi jơlan glông, rŭ glăi bruă ngă hmua pla pơjing, djru tơlơi hơdip mơda hăng pơgang rơnuk rơnua mơnuih mơnam.

Amăng anun tơring čar Khánh Hòa lĕ 150 klai, Lâm Đồng 300 klai, Gia Lai 150 klai, Dak Lak 500 klai. Kơnuk kơna pơtrun hiăp djop tơring čar prăp lui sem lăng rơnoh prăk kăk ngăn drăp tơring čar, jak iâu pơčruh dơ̆ng kiăng pok pơhai bruă djru ba djơ̆ tơlơi phiăn, hmao kru tŭ yua, samơ̆ pơhaih tong ten tơpă. Hră pơtrun anai, pơdah rai bruă mă đing nao hmao kru mơ̆ng kơnuk kơna amăng bruă djru prăk kăk kơ mơnuih ƀôn sang kual hơmâo tơlơi truh, pơhrŏ ƀiă răm ƀăm, đah mơ̆ng tañ hơđong tơlơi hơdip mơda tañ rŭ glăi bruă mă bơwih ƀong huă mơnuih mơnam.