VOV4.Jarai - Anom pô tuh pơplai amra gum hrŏm kơjăp hăng gong gai plơi pla hăng hơdôm bôh anom wai lăng mă yua ring bruă; lăi pơthâo na nao, pơsur neh wa pơgang akô̆ ia, pel ĕp rơnăk măi mok hăng đing pơđoh ia kiăng huăi ƀruač ia, pioh ba glăi tu yua klă hloh

VOV4.Jarai-Mơguah lơ 20/9, Khul pơlir hơbit đah kơmơi tơring čar Dak Lak gum hrŏm hăng Khul mơnuih tha rơma tơring čar pơphun Jơnum pơpŭ đah kơmơi tha rơma ba gru amăng pơjing sang anŏ hơdip rơnôm, trơi pơđao, yâo mơ-ak thun 2024.

VOV4.Jarai - Tha plơi, pô hmâo arăng đăo kơnang ƀơi plơi pla pơ̆ Dak Nông glăk djru yôm phăn amăng djă pioh hơđong hăng pơđĭ kyar bơwih ƀong mơnuih mơnam ƀơi plơi pla. Tơring čar Dak Nông ăt hmâo laih hơdôm jơlan gah ngă tui dong bruă mă mơ̆ng pô hmâo arăng đăo kơnang amăng kual neh wa djuai ania ƀiă, djru ngă tui pran kơtang lu mơta ngă tui tơhnal pơkă jing tơring čar đĭ kyar mơ̆ng kual Dap Kơdư. Ƀing tha plơi, mơnuih hmâo arăng đăo kơnang dưi bơhmu nao kah hăng hơdôm phun hrăi ƀơi plơi pla.

VOV4.Jarai-Tlam lơ 18/9, ƀơi Hà Nội, Kơ-iăng Khua dêh čar ơi Nguyễn Hòa Bình, Khua khul lăi pơthâo pok mơnă hlâo kơ thun tơbiă mơnă amăng thun 2024 git gai jơnum sem glăi hră pơar anăn ƀing mơnă arăng lăi pơthâo brơi pok hlâo kơ thun tơbiă mơnă amăng thun 2024.

VOV4.Jarai-Hơdôm hrơi rơgao, tơring čar Dak Lak hơmâo jak iâu pơčruih hơdôm hơpluh klai prăk hăng lu gơnam yua pơkŏn kiăng kơ djru brơi mơnuih ƀôn sang kual hơjan kơthel ƀơi hơdôm boh tơring čar kual Kơdư găn rơgao tơnap tap.

VOV4.Jarai-Tơring čar Kon Tum pơphun jơnum jak iâu bruă mă bơkơtưn “Gum tơngan hrŏm lui hĭ sang tơ̆i, sang hluh” hăng anŏ kiăng truh abih thun 2025 amra ƀu hơmâo sang anŏ ƀun rin, sang anŏ giăm ƀun rin khom dŏ amăng sang tơ̆i rơ̆i.

VOV4.Jarai- Amăng mông mơak čơkă Blan Bơrơmi ria, ƀing čơđai muai Dak Lak hơmâo lu bruă mă rơđah rođong hiam klă, gum tơngan hrŏm, anăp nao kơ ƀing gơyut čơđai muai amăng kual ia ling dăo.

VOV4.Jarai-Tom brơi, lơ 16/9, ƀơi Hà Nội, Khua jơnum min djop djuai ania mơnuih mơnam Việt Nam, ơi Đỗ Văn Chiến hơmâo tŭ mă gơnam djru mơ̆ng djop sang bruă kơnuk kơna, sang bruă sĭ mơdrô, anom bruă mơnuih tơpuôl, djop pô mơnuih ƀôn sang amăng dêh čar hăng mơ̆ng tač rơngiao ba gơnam djru brơi mơnuih ƀôn sang bưp tơlơi truh răm ƀăm yua kơthel mrô 3 ngă.

VOV4.Jarai - Rơwang hrơi tơjuh rơgao, ƀơi tơring čar Thái Nguyên, Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn hmâo nao čuă, brơi gơnam tam kơ mơnuih ƀôn sang ƀơi să Nga My, tơring glông Phú Bình hăng mă bruă hăng Ping gah tơring čar Thái Nguyên kơ bruă git gai, črâo ba bŏng glăi hăng pơsir răm rai yua kơthel tal 3 ngă. Ƀrô djơ̆ tal anai, Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn hmâo ƀơk laih 30 klai prăk mơ̆ng Grŭp djru pơtlaih dêh čar ta kơ tơring čar Thái Nguyên pioh djru pơsir anô̆ răm rai yua kơthel tal 3 ngă hăng hơjan ia ling dăo ba truh ƀơi tơring čar.

VOV4.Jarai-Mơguah tom brơi (12/0) Ping gah tơring čar Dak Lak pơphun jơnum lăng glăi 20 thun ngă tui bruă pơkôl ngă giang mah kơplah wah hơdôm anom bruă, sang bruă, anom bơwih ƀong sĭ mơdrô hăng hơdôm boh plơi pla djuai ania ƀiă amăng tơring čar rơwang thun 2014-2024.