VOV4.Jarai-Tlam tombrơi (12/1), ƀơi să Hoà Thắng, plơi prong Buôn Ma Thuột, khul ia jrao kyâo bơrơkal mriah tơring čar Dak Lak gum hrŏm hăng anom bruă djru ba pơphun ƀơk gơnam tết tui phiăn juăt Ất Tỵ hăng črâo ba, gum djru khăm pơkr brơi tơgơi brơi mơnuih ƀun rin.

VOV4.Jarai - Gah yŭ tơlơi git gai mơ̆ng Khua git gai pơ ala mơnuih ƀôn sang dêh čar ơi Trần Thanh Mẫn, Jơnum min apăn bruă Khua pơ ala mơnuih ƀôn sang dêh čar phrâo pơphun mông jơnum lok 41. Amăng mông jơnum anai, Jơnum min apăn bruă Khua pơ ala mơnuih ƀôn sang dêh čar gum pơhiăp kơ lu bôh yôm phăn. Amăng anun, yôm phăn hloh lĕ bruă prăp lui kơ Tal jơnum ƀu hmâo pơkă hlâo lok 9, Khua pơ ala mơnuih ƀôn sang dêh čar tal 15.

VOV4.Jarai-Jơlan hơdră “Bơyan bơnga Guai dêh čar pơđao pran jua ană plơi” phrâo hơmâo Tơhan pơgang guai dêh čar pơphun jơnum ƀơi 2 boh tơring glông giăm guai tơring čar Gia Lai hăng Dak Lak. Bruă ngă anai ƀu kơnong jing mơnong yua ƀong huă djru mơnuih ƀôn sang mơak čơkă thun phrâo ƀong têt đôč ôh, dŏ ngă pơtruh nao rai lir hơbit tơlơi khăp pơdjru nao rai ling tơhan hăng ană plơi pla, ngă kơjăp tui tơlơi jĕ giăm plah wah tơhan pơgang guai dêh čar hăng mơnuih ƀôn sang djop djuai ania, ngă atur kơjăp kơ bruă pơgang guai dêh čar kiăng rơnuk rơnua, trơi pơđao.

VOV4.Jarai-Amăng bơyan čơkă thun phrâo Ất Tỵ anai, Khul ia jrao kyâo bơrơkal mriah tơring čar Dak Lak amra jak iâu pơgôp ƀiă biă mă ñu 35.800 anung gơnam djru brơi mơnuih ƀun rin, mơnuih tơnap tap dưi čơkă thun phrâo mơ-ak mơ-ak, pơđao pran jua.

VOV4Jarai- Têt thun anai, sang bruă khul ia jrao kyâo bơrơkal mriah Dak Lak gir run djru ba rơbêh 65.000 čô mơnuih ƀun rin, tơnap tap, ƀing amuñ hơmâo tơlơi bơbeč djơ̆ ƀu klă.

VOV4.Jarai-Hơdôm hrơi laih rơgao, Anom bruă tơhan blah ngă gum hrŏm gong gai plơi pla hăng anom bruă gah kơnuk kơna pơphun lu bruă mă đing nao têt kơ mơnuih ƀôn sang ƀun rin ƀơi tơring čar Dak Lak.

VOV4.Jarai-Amăng hơdôm hrơi rơgao, ƀơi kual Dap Kơdư pơphun lu bruă mă mơ̆ng gum djru, djru mơnuih ƀun rin prăp lui čơkă Tết tui phiăn juăt Ất Tỵ.

VOV4.Jarai-Anom bruă Khua pơ ala mơnuih ƀôn sang dêh čar phrâo pơphun Jơnum klah čun bruă mă thun 2024, pok pơhai bruă jao thun 2025. Nao jơnum hăng đĭ pơhiăp amăng mông jơnum, Khua git gai pơ ala mơnuih ƀôn sang dêh čar ơi Trần Thanh Mẫn rơkâo tŏ tui pơplih phrâo hơdră ngă bruă, “pơplih klă” anih anom mă bruă amăng Ƀirô Khua pơ ala mơnuih ƀôn sang dêh čar, hơdôm anom bruă mơng Jơnum min apăn bruă Khua pơ ala mơnuih ƀôn sang dêh čar, hơdôm anih anom, khul grup gah anom bruă Khua pơ ala mơnuih ƀôn sang dêh čar tui tơlơi rơkâo mơng gơnong glông.

VOV4.Jarai - Mơguah lơ 30/12, Kơ-iăng Khua dêh čar ơi Nguyễn Hòa Bình hmâo nao pơhmư̆ hăng pơhiăp amăng mông jơnum klah čun bruă djuai ania thun 2024 hăng pok pơhai bruă jao thun 2025.

VOV4.Jarai-Ƀơi Hà Nội phrâo pơphun jơnum hruă kjăp, pok pơhai mă yua hơdôm tơlơi phiăn, tơlơi pơtrun hơmâo tŭ yap amăng jơnum lok 8, Khua pơ ala mơnuih ƀôn sang dêh čar tal XV. Jơnum anai yua Khua git gai pơ ala mơnuih ƀôn sang dêh čar ơi Trần Thanh Mẫn hăng Khua dêh čar ơi Phạm Minh Chính git gai, hơmâo pơlăng nao rai hăng 63 boh tơring čar, ƀôn prong đơ đam dêh čar. Amăng mông jơnum, Khua dêh čar rơkâo “Kơnuk kơna hăng Khua pơ ala mơnuih ƀôn sang dêh čar kiăng gum hrŏm tañ mă yua hơdôm tơlơi phiăn, tơlơi pơtrun amăng tơlơi hơdip mơda djơ̆ hăng tơlơi čang rơmang mơng mơnuih ƀôn sang.