Ƀơi anih ñu nao čuă, Kơ-iăng Khua dêh čar ơi Hồ Quốc Dũng hơmâo tơña bla, pơtrut pơsur pran jua mơnuih ƀôn sang hơmâo tơlơi truh răm ƀăm kơtang yua kơthel ngă.

Kơ bruă rŭ pơdong glăi tơlơi răm ƀăm truh kơthel ngă, Kơ-iăng khua dêh čar ơi Hồ Quốc Dũng rơkâo tơring čar khom sem lăng, ĕp glăi tañ, pơtum pơsir hĭ ayuh hyiăng, pơsir brơi apui lơtrik, ia yua, jơlan glông nao rai, hrĕ dăng kông; djru hơdôm sang anŏ răm ƀăm kơtang kiăng tañ hơđong tơlơi hơdip mơda, bơwih ƀong huă, mă bruă ngă hmua. Kơnuk kơna ăt amra djru hrŏm, jak iâu lu khul mơnuih, sang bruă mơdrô djru ba hăng tơlơi gir run mơ̆ng tơring čar či djru  ba lu hloh pơ anăp anai.