Amăng mông ngă hơ-ŭ hơdor hơmâo ƀing pơ ala mmơng gơnong glông, Quân khu 5, Anom bruă git gai tơhan Binh đoàn 15, khua mua tơring čar hrŏm hăng ƀing apăn bruă, ling tơhan hăng mơnuih ƀôn sang amăng ƀon lan. Đĭ pơhiăp amăng mông hơ-ŭ hơdor, kơ-iăng Khua Jơnum min mơnuih ƀôn sang tơring čar Nguyễn Thị Thanh Lịch pơsit tong Gia Lai lĕ blah wang phun hăng hơdôm tal blah kơtang tit ƀơi Pleime, Ia Drang, Ia Boòng, Ia Mơr, Ia Puch…Bruă tuh drah pơčah mơng ling tơhan hơmâo pơgôp ba glăi tơlơi dưi bơyan phang thun 1975, pơlir lŏn ia ta.

Bruă hyu ĕp, pơƀut glăi, ba nao pơya tơhan djai pơsăn drơi lĕ tơlơi glăm ba hăng pran khăp pap mơng Ping gah, kơnuk kơna hăng mơnuih ƀôn sang. 18 per tơlang tơleh tal anai hơmâo ĕp ƀuh mơng lơ 9-15/10 ƀơi plơi Gà (să Ia Boòng), lu tơlang tơleh ăt dŏ glăi gơnam sum ao, laih dong jĕp kơsu, boh nut ao, si rah amŭ.