VOV4.Jarai – Sang hmâo abih bang prăk mă yua pơdŏng rơbêh kơ 150 klăk prăk, amăng anun rơbêh kơ 80 klăk prăk hmâo hơdôm bôh anom bơwih ƀong gum pơčruh djru; mrô prăk dô̆ glăi lĕ mơnuih amăng sang anô̆ gum hơgôp.

VOV4.Jarai-Pơpŭ nao rai, djru kah pơpha tơdruă, khăp pap hăng pơgang tơlơi suaih pral, anŏ tŭ yua kơ đah kơmơi hrơi hăng čơđai đah kơmơi; ngă gêh găl brơi đah kơmơi hrăm hrăm, dưi mă bruă amăng mơnuih tơpuôl...,jing hơdôm bruă mă kiăng biă pioh ngă tui djơ̆ tơlơi lăng ba bơkơnar plah wah đah kơmơi hăng đah rơkơi amăng rim sang anŏ.

VOV4.Jarai - Pơsit tong taih amăng sang anŏ lĕ tơlơi ba truh phun bơdjơ̆ sat nao drơi jăn pran jua kơ ƀing mơnuih amăng sang anŏ, amăng thun blan laih rơgao, khul đah kơmơi să An Bình, tơring glông Châu Thành, tơring čar Tây Ninh đing nao pok pơhai lu jơlan hơdră, akŏ bruă kiăng ngă tui tŭ yua tơlơi phiăn pơgang taih amăng sang anŏ hluai tui tơlơi gơgrong mơng khul grup đah kơmơi hơmâo lu hơbô̆ bruă sit nik amăng pơgang taih amăng sang anŏ, pơgôp pơjing sang anŏ trơi pơđao, yâo mơ-ak.

VOV4.Jarai – Ƀơi Bình thuận, lu ñu neh wa djuai aniă ƀiă kah hăng Čăm, K’ho leng kơ mă djuai amĭ. Đah kơmơi jing pô gơgrong ba lu bruă bơwih ƀong sang anô̆ ăt kah hăng pơtô lăi ană bă. Bôh than anai djru đah kơmơi djuai ania ƀiă mă lu bruă hmâo tơhnal pơsit mơ̆ng gơnam ƀong huă, băn ao čut truh bruă hrăm hră ană bă, djă pioh tơlơi bơrơnôm amăng sang anô̆. Ră anai, lu anih ƀơi Bình Thuận hmâo hăng glăk pok pơhai ha amăng plĕ "Ngă tui tơlơi dưm kơnar bơnai rơkơi, pơsir hơdôm tơlơi kiăng tañ pioh kơ đah kơmơi, čơđai muai" pơtrut kơtang, bơwih brơi đah kơmơi, čơđai muai, tơlơi dưi, jao tơhnal gal brơi kơ gơñu hrưn đĭ, pơtŏng sit bruă gum hrŏm pơđĭ kyar plơi pla, djru pơdŏng ƀôn lan, lŏn ia.

VOV4.Jarai-Ƀơi să Ea Tiêu, tơring glông Čư̆ Kuin, tơring čar Dak Lak phrâo pơphun Hrơi mơak gum pơgôp djuai ania thun 2023 hăng lu tơlơi ngui ngor mơak gru đưm, kơdok kơdor ba mơtam hăng bruă djru mơnuih mơnam tơnap tap tŭ yua. Khua anom bruă djuai ania mơ̆ng sang bruă pơ ala mơnuih ƀôn sang dêh čar Y Thanh Niê Kdăm hăng Khua anom bruă pơ ala mơnuih ƀôn sang dêh čar ơi Bùi Văn Cường nao jơnum mơ̆k hrŏm ană plơi pla.

VOV4.Jarai-Mơguah lơ 7/11, Jơnum min mơnuih ƀôn sang tơring čar Dak Lak pơphun pơplông hơduah ĕp anŏ pơblih hơdră ngă hră pơar kơnuk kơna thun 2023 hơduah ĕp amăng plang internet.

VOV4.Jarai - Ƀơi hơdôm boh tơring glông kual čư̆ siăng tơring čar Quảng Nam jai hrơi hơmâo lu mơnuih apăn bruă Ping gah ba jơlan hlâo amăng pơđĭ kyar bơwih ƀong huă, hrưn đĭ pơdrong asah. Ƀu djơ̆ kơnong ngă pơdrong brơi sang anŏ đôč ôh ƀing apăn bruă Ping gah ăt djru brơi mơnuih djuai ania Cơ Tu bơwih ƀong kiăng pơklaih mơng ƀun rin hơđong kjăp.

VOV4.Jarai – Hơdôm thun rơgao hơdôm jơlan hơdră djru gah djuai pơjeh pla, hlô rông, kơmok pruai hăng hơdră bơwih brơi kơ phun pla, hlô rông kơ neh wa djop djuai ania ƀiă ƀơi Kon Tum hmâo djru sit nik laih, ngă gal brơi djru gơñu hrưn đĭ hrŏ trun rin rơpa. Amăng anun ngăn rơnoh mơ̆ng hơdôm bôh Sang prăk gah hơdră bruă mơnuih mơnam, hăng Sang prăk gah bruă đang hmua hăng pơđĭ kyar ƀôn lan jing pô yôm phăn biă.

VOV4.Jarai - Ia jrao hăng pơtô pơjuăt jing 2 mơta bruă hơmâo mơnuih ƀôn sang amăng dêh čar lăp đing nao, laih anun rơwang hrơi tơjuh rơgao, 2 bruă anai hơmâo Khua mua pơ ala mơnuih ƀôn sang dêh čar bơkơtuai lu biă amăng mông jơnum lok 6, khua pơ ala mơnuih ƀôn sang dêh čar tal 15. Rơđah biă ñu, bruă čih pơkra hơdrôm hră hăng bruă abih bang mơnuih ƀôn sang gum ngă, mơ̆ng anun yơh ba truh bruă hơmâo tơket tơkeng hơdrôm hră pơtô hră, nua sĭ phara mơn, ƀu anăm pơgăn ôh. Amăng bruă ia jrao, kiăng pơsir hĭ tơlơi kơƀah ia jrao, măi mok gơnam yua amăng sang ia jrao.

VOV4.Jarai – Mơguah anai (2/11) Khua pơ ala mơnuih ƀôn sang dêh čar ta pơsit tơlơi ngă tui ngăn drăp kơnuk kơna thun 2023.