Ră anai anom bruă glăk wai lăng , čem rông ba 350 čô mơnuih hơmâo ƀing tha rơma, mơnuih drơi jăn ƀu klă glăk ruă kraih, ƀing hưt bưt-ƀing wing, ƀing čơđai sang anŏ tơnap tap hăng ƀing rơkâo čem rông ba. Sang djru ba hơmâo dưm dăp hơdôm anih phara lăp djơ̆ hăng rĭm čô mơnuih, anun lĕ anih pơjrao pơsuaih drơi jăn, tơdron đă boh lông, apah boh blâo mơnŭ…laih dong pơhlôm brơi hơdôm hơdră djru mơnuih mơnam, ia jrao, pơtô pơjuăt, anih ngui ngor.

Nao tơña bla, juh alum ƀing mơnuih glăk čem rông ba ƀơi anai, ơi Nguyễn Văn Nên pơpŭ pran gir run mơng ƀing mơnuih apăn bruă, mơnuih mă bruă lêng kơ abih pran jua bơwih brơi tơlơi hơdip mơda kơ ƀing mơnuih glăk djru ba. Ñu ăt tŭ mă tơlơi rơkâo mơng sang djru ba, rơkâo khua mua tơring čar đing nao pơsir hĭ hơdôm bruă tui tơlơi glăm ba, kiăng hrưn đĭ klă dong bruă mă mơng sang djru ba mơnuih mơnam, pơgôp klă ƀiă dong amăng bơwih brơi tơlơi hơdip mơda kơ ƀing mơnuih glăk wai lăng, čem rông ba ƀơi anai.