Mơ̆ng lơ 1/7 truh lơ 15/9 Anom bruă ngă brơi hră lŏn mơnai tơring čar Lâm Đồng hơmâo tŭ mă rơbêh 77.100 pok hră hăng pơsir brơi rơbêh 58.500 pok hră.124 boh să, phường, anih wai lăng phara hơjăn tŭ mă rơbêh 24.200 pok hră, pơsir brơi 13.300 pok hră. Boh tơhnal brơi ƀuh, hơmâo rơbêh 32.000 pok hră lŏn mơnai aka ƀu dưi pơsir hĭ ôh.

Ơi Bùi Thanh Hà, Kơ-iăng khua khua Gơnong bruă Ngă hmua hăng Pơgang ayuh hyiăng tơring čar Lâm Đồng brơi thâo, dŏ lu tơlơi gun lơ̆m tŭ mă hră pơar, pơsir hră pơar lŏn mơnai kơ mơnuih ƀôn sang. Kiăng tañ pơđut hĭ tơlơi gun tơnap anai, tŭ mă hră pơar hăng pơsir hră pơar kơ mơnuih ƀôn sang djơ̆ lăp, Gơnong bruă Ngă hmua hăng Pơgang ayuh hyiăng tơring čar Lâm Đồng hlăk pok pơhai ngă tui lu hơdră, amăng anun pơtum nao kơ bruă ngă giong tơlơi pơkă hrŏm hăng djop sang bruă, djop gơnong bruă; pơtrut bruă pôr pơthâo tơlơi pơhing, pơtô brơi mơnuih ƀôn sang hơdră či mut plang tơlơi pơhing amăng internet pioh ngă hră pơar onlin juăt lăi trực tuyến.