VOV4.Jarai-Thun blan rơgao, tơlơi pơhing rơnuk rơnua jơlan glông ƀơi hơdôm anih hơmâo sang hră tơring čar Yên Bái dưi hơđong tui, mah ăt dŏ đôč tơlơi hŭi kơ rơdêh pơjrom ƀơi jơlan glông. Tui hăng anun lu plơi pla hăng sang hră ngă hrŏm tơhan kông an pok pơhai lu hơdră, amăng anun akŏ pơjing “Grup pơgang tơlơi rơnuk rơnua jơlan glông ƀơi anăp amăng jang sang hră”. Hơdră ngă anai kiăng pơlar tui lu anih.

VOV4.Jarai - Hlâo kơ thun hrăm phrâo, čơtlăm lơ 13/8, Ling tơhan pơgang guai dêh čar tơring čar Dak Nông pơphun ngă Lơphet bơni 39 čô čơđai mơbruă amăng hơdôm jơlan hơdră, rơwang bruă djru čơđai sang hră ƀơi guai dêh čar pô hăng dêh čar Kur.

VOV4.Jarai - Tui hăng Jơnum min jơlan nao rai dêh čar ta, hơnong ñu rim hrơi, tơlơi truh ƀơi jơlan nao rai hmâo ngă 24 čô mơnuih hăng 60 čô mơnuih rơka ruă. Biă ñu, rim thun tơlơi truh ƀơi jơlan nao rai ngă hrŏ trun 2,5% abih bang prăk pơhrui mơ̆ng mơnuih amăng dêh čar, lơm anun đĭ kyar bơwih ƀong mơnuih mơnam mơ̆ng đơ đam dêh čar hơdôm thun jê̆ hăng anai ăt kơnong kơ hmâo năng ai ñu 6%. Yua anun yơh, bruă lăi pơhing hmâo lăi pơthâo, pơtô pơhrăm tơlơi phiăn pơhlôm ƀơi jơlan nao rai lĕ tơlơi yôm phăn biă. Hrŏm hăng anun lĕ pơkĕ hrŏm hăng hyu tir, wai lăng pơsir tơlơi ngă soh ƀơi jơlan nao rai. Anai lĕ dua jơlan pơsir dưi hmâo gong gai hơdôm gưl, khul apăn bruă anai amăng đơ đam dêh čar đing nao ngă tui amăng lu thun rơgao.

VOV4.Jarai - Pơsit bruă djuai ania hăng bơwih brơi tơlơi hơdip mơda neh wa djuai ania ƀiă jing bruă yôm phăn, hơdôm hrơi rơgao, tơring čar Sóc Trăng hmâo đing nao pơtrut tañ bruă pok pơhai ngă tui hơdôm rơwang bruă, rơwang bruă anet... amăng Jơlan hơdră pơkă mơ̆ng lŏn ia pơđĭ kyar bơwih ƀong – mơnuih mơnam kual neh wa djuai ania ƀiă hăng čư̆ siăng, rơwang mơ̆ng thun 2021-2030, amăng anun hmâo bruă djru pơplih bruă mă kơ neh wa djuai ania ƀiă, mơ̆ng anun amăng ƀrư̆ djru kơ sang anô̆ ƀun rin hmâo dong tơlơi gal bơwih ƀong huă, hmâo dong prăk pơhrui glăi, amăng ƀrư̆ hrưn đĭ pioh hơđong tơlơi hơdip mơda.

VOV4.Jarai-Dơ̆ng mơ̆ng lơ 1/8, Tơlơi phiăn Lŏn mơnai, Tơlơi phiăn sang dŏ, Tơlơi phiăn sĭ mơdrô Lŏn sang gơnam prong dưi ngă tui sit nik laih, hmar hloh 5 blan tui hăng hrơi pơkă. Lăp đing nao, Tơlơi phiăn Lŏn mơnai 2024 dưi ba yua ngă tui amăng tơlơi hơdip mơda lĕ amra pơsir brơi tơlơi čang rơmang mơ̆ng lu mơnuih ƀôn sang, pơsir hĭ khut khăt tơlơi dŏ gun kơ lŏn tơnah, laih dơ̆ng ngă hluai hĭ anŏ či mă bruă, pơtrut pơđĭ kyar bơwih ƀong huă, mơnuih mơnam.

VOV4.Jarai-Lơ 8/8, ƀơi mông jơnum pơtong glăi boh tơhnal mă bruă pơtô lăi, jĕ giăm mơnuih ƀôn sang, pơtô pơblang bruă yôm phara mơ̆ng thun 2022-2023 laih anun pok pơhai bruă mă hơdôm thun tŏ tui. Binh đoàn 15 hơmâo jơnum apah bơni kơ 104 čô tha, khua plơi, mơnuih arăng đăo kơnang amăng djuai ania ƀiă dŏ amăng kual guai dêh čar 2 boh tơring čar Gia Lai hăng Kon Tum.

VOV4.Jarai-Him lăng amra hơmâo giăm 2.000 čô mơnuih arăng khăm pơjrao brơi mơng jơlan hơdră anai.

VOV4.Jarai-Amăng hơdôm hrơi hyu mă bruă ƀơi tơring čar Kon Tum, tom brơi (5/8), Ding kơna Ding jum kơđi čar, Khua apăn bruă Ping gah, Khua sang phat kơđi tơlơi ơi Nguyễn Hòa Bình hrŏm hăng grup hyu mă bruă mơng gơnong glông hơmâo nao pel ĕp tơlơi sit nik amăng kual lŏn pơpư̆ hăng hyu tơña bla, juh alum mơnuih ƀôn sang ƀơi să Đăk Ring, tơring glông Kon Plông.

VOV4.Jarai-Amăng rơwang hrơi tơjuh rơgao, ƀơi Ƀirô mă bruă, Khua git gai pơ ala mơnuih ƀôn sang dêh čar ơi Trần Thanh Mẫn git gai mông mă bruă hăng Jơnum min gru grua pơtô pơjuăt; Jơnum min mơnuih mơnam; anom djru bruă khua pơ ala mơnuih ƀôn sang kiăng kơ lăng glăi hơdôm bruă mă mơng akŏ thun truh ră anai; laih dong lăng glăi bruă aka ƀu dưi ngă, bruă aka ƀu klă, pơhrăm tui kiăng ngă klă ƀiă dong pơ anăp.

VOV4.Jarai-Mơguah lơ 2/8, ƀơi Hà Nội, anom bruă Khua mir sir gum hrŏm hăng Ding jum pơtom hiăp, Ding jum kông ang, sang phat kơđi dêh čar pơphun jơnum lăi pơthâo tơlơi pơtrun pok mơnă hlâo thun pơkă thun 2024 mơng Khua mir sir.