VOV4.Jarai-Mơguah tom brơi, lơ 31/7, Keh prăk yua kơ čơđai muai ƀu klă drơi jăn Việt Nam ngă hrŏm Khul wai pơgang ba mơnuih ƀu klă drơi jăn hăng pơgang tơlơi dưi čơđai muai tơring čar Dak Lak jơnum pơphun hơdră ƀơk gơnam djru ba čơđai ƀu klă drơi jăn nao sang hră ƀơi tơring čar Dak Lak.

VOV4.Jarai - Pơsit bruă bơwih ƀong dŏng bŏng glăi hăng lu tơlơi tơnap, tơlơi lông hơdôm anô̆ bơdjơ̆ nao mơ̆ng tơlơi ƀơi rŏng lŏn tơnah hăng amăng kual pơphun tañ, glêh tơnap hăng tơnap him lăng; tơlơi nua gơnam, nua gơnam hmâo jơlan gah amra đĭ; bruă sĭ mơdrô prăk kak ăt ăt pơhlôm rơđah mơn; bruă bơwih ƀong huă ngă đang hmua, sĭ mơdrô amăng sa dua mơta bruă dô̆ tơnap tap; ayuh hyiăng ngă, kơƀah ia, lŏn tơhroh, pơplih ayuh hyiăng ngă tơnap... Khua dêh čar hmâo mă yua laih Kông điêng mrô 71 kơ hơdôm bruă jao, jơlan pơsir phun pơtrut pơđĭ kyar, wai lăng nua gơnam, hơđong bơwih ƀong prong blan 7 hăng 3 blan tal 3 thun 2024.

VOV4.Jarai-Tlam tom brơi, lơ 29/7, Jơnum min djop djuai ania mơnuih mơnam Việt Nam tơring čar Dak Lak jơnum tŭ mă prăk djru Keh prăk pioh kơ mơnuih ƀun rin hăng Keh prăk hơdor tơngia tla pran yua kơ Khua Khul wai lăng djuai ania mơ̆ng Anom bruă khua pơ ala mơnuih ƀôn sang dêh čar ơi Y Thanh Hà Niê Kdăm jao.

VOV4.Jarai-Hơdôm thun giăm anai, tơring glông Trà Bồng, tơring čar Quảng Ngãi hơmâo pok pơhai jơlan hơdră tui hơnong pơkă dêh čar pơhrŏ trun ƀun rin hơđong kjăp djơ̆ hăng tơlơi sit nik, hrưn đĭ tŭ yua amăng bruă pơhrŏ trun ƀun rin. Lu sang anŏ hơmâo djru brơi sang dŏ, djru bơwih ƀong, pơklaih mơng ƀun rin hơđong kjăp.

VOV4.Jarai-Phrâo anai, ƀơi sang bruă khua pơ ala mơnuih ƀôn sang, ơi Trần Thanh Mẫn, Khua git gai pơ ala mơnuih ƀôn sang dêh čar git gai jơnum pơčrong sai plah wah khua git gai hăng ƀing kơ-iăng khua git gai pơ ala mơnuih ƀôn sang laih anun hăng ƀing khua djop anom bruă gah anom bruă pơ ala mơnuih ƀôn sang, Ƀirô anom bruă khua pơ ala, djop sang bruă gah Jơnum min apăn bruă phun pơ ala mơnuih ƀôn sang dêh čar pioh pơtong glăi boh tơhnal ngă bruă amăng 6 blan akŏ thun hăng bruă mă phun yôm 6 blan rơnuč thun.

VOV4.Jarai-Hluh rơđah kơ gru grua hiam klă mơng djuai ania hăng tơlơi pơtô mơng Khua mir sir Hồ Chí Minh, 77 thun rơgao, Ping gah, kơnuk kơna hăng mơnuih ƀôn sang Việt nam lêng kơ đing nao, bơwih brơi, ngă tui klă bruă hơdor tơngia hăng ƀing djru hơkrŭ hăng ƀing mơnuih amăng sang anŏ tơhan djru hơkrŭ.

VOV4.Jarai-Ƀrô tal hơdor glăi 77 thun hrơi tơhan rơka-tơhan djai pơsăn drơi (27/7), hơdôm boh sang ia jrao, anih anom khăm pơjrao ling tơhan gah Binh đoàn 15 pơphun bruă khăm, ƀơk jrao brơi mơnuih djru hơkrŭ, sang anŏ tui hơdră djru hăng hơdôm boh sang anŏ ƀun rin ƀơi kual giăm guai tơring čar Gia Lai hăng Kon Tum.

VOV4.Jarai-Mơguah lơ 24/7, Kơ-iăng Khua git gai pơ ala mơnuih ƀôn sang dêh čar ơi Nguyễn Đức Hải hăng grup hyu mă bruă mơ̆ng gơnong dlông hơmâo jao 50 anung gơnam kơ sang anŏ tơhan rơka rơkač, mơnuih pơsăn drơi jăn yua kơ lŏn ia, sang anŏ ngă hơkrŭ ƀơi tơring čar Lai Châu ƀrô hơdor glăi 77 thun hrơi pioh kơ tơhan rơka rơkač, mơnuih pơsăn drơi jăn kơ lŏn ia.

VOV4.Jarai - Ƀrô djơ̆ tal hơdor glăi 77 thun Hrơi pioh kơ Ling tơhan rơka ruă hăng pơsăn drơi (27/7), tơring čar Dak Lak hmâo pioh laih 11 klai prăk hăng pơdŏng 6 grŭp hyu mă bruă tơña bla, pơsur, ƀơk gơnam tam kơ mơnuih djru ngă hơkrŭ đưm mơbruă.

VOV4.Jarai - Mơguah lơ 23/7, Khua dêh čar ơi Phạm Minh Chính nao pơhmư̆ mông Jơnum hơdor tơngia kơ mơnuih djru ngă hơkrŭ đưm thun 2024 hăng lăi pơthâo Sang dưm gen (ADN) ling tơhan pơsăn drơi akă dưi pơsit anăn păn hăng sang anô̆ tơhan pơsăn drơi.