Tơlơi lăi pơthâo glăi amăng mông Jơnum, hơdôm hrơi rơgao, hơdră bruă, tơlơi phiăn kơ lŏn drŏn amăng ƀrư̆ mut amăng tơlơi hơdip mơda, pơđĭ dlông bôh tŭ yua wai lăng kơnuk kơna, djru pơđĭ kyar bơwih ƀong – mơnuih mơnam, pơhlôm pơgang lŏn ia, rơnuk rơnua plơi pla hăng pơđĭ kyar kơjăp phik mơ̆ng lŏn ia; hơkrŭ đĭ pran đăo kơnang mơ̆ng mơnuih ƀôn sang, anom bơwih ƀong hăng pô tuh pơplai.

Khă hnun hai, bôh nik ñu dô̆ hmâo tơlơi tơnap, tơlơi gun kah hăng pơkă kual akă ha amăng plĕ... Amăng mông Jơnum, Khua dêh čar ơi Phạm Minh Chính lăi rơđah: bruă jao yôm phăn hăng ječ kiăng pơtlaih hơdôm tơlơi gun hăng pơplih pơkra, pơhrua nao Tơlơi pơtrun pơsit mrô 18 hăng ngă gru than kơ pơplih pơkra, pơhrua nao Tơlơi phiăn lŏn trŏn thun 2024. Khua dêh čar rơkâo pơplih pơkra glăi, pơhrua nao sa dua bruă jao, pơsir dong hơdră pơkă, hơdră bruă wai lăng, mă yua lŏn amăng anun pơhrua nao hơdôm jơlan pơsir kơ kual pơkă, kơčao bruă mă yua lŏn. Đing nao pơpha lŏn kom lui kơ pơđĭ kyar anom mă yua ha amăng plĕ, măi mok, bruă bơwih buang, pơlar plơi prong; djă pioh lăp djơ̆ kual lŏn ngă hmua pơdai pioh pơhlôm hơđong mrô braih pơdai lŏn ia...