Kơ-iăng khua dêh čar ơi Nguyễn Hòa Bình, Khua Khul lăi pơthâo pok mơnă thun 2025 phrâo git gai jơnum ruah anăn ƀing mơnă djop anŏ gêh găl brơi pok mơnă hlâo abih thun blan pơkă tal 2, ƀrô hơdor glăi 80 thun hrơi akŏ pơdong kơnuk kơna lŏn ia lơ 2/9. Ngă tui Hră pơtrun mơ̆ng Khua mir sir dêh čar, hrơi blan rơgao, djop grup pơsit anăn ƀing mơnă, jing ƀing apăn bruă mơ̆ng lu sang bruă, pơsit 10.000 pok hră anăn mơnă mơ̆ng djop sang mơnă, hlăk dŏ krư̆ kơđol ƀing ngă soh.

Bruă ruah anăn mơnă či pok hlâo kơ hrơi blan pơkă lĕ khom ngă tui tong ten, pơhaih rơđah, tơpă djơ̆ tơlơi phiăn, hơmâo tơlơi krăo lăng mơ̆ng lu khul grup mơnuih tơpuôl hăng mơnuih ƀôn sang. Kơ-iăng khua dêh čar lăi pơtong, tal pok pơnai lĕ sa jơlan hơdră prong, pơdah rai tơlơi khăp pap mơ̆ng Ping gah hăng kơnuk kơna, kiăng pơtrut pơsur ƀing mơnă hơdip tơpă, gir mă bruă amăng sang mơnă jao, kiăng dưi tŭ mă tơlơi djru tañ pok hăng glăi hrŏm sang anŏ plơi pla. Tơdơi kơ ngă giong hră pơtong glăi, Khul amra pơdah đĭ hăng khua mir sir pô kĭ pơsit glăi; tui hăng akŏ bruă, lơ 29/8, pôr pơthâo hră pơtrun anai hăng lơ 1/9 amra pơphun pok brơi mơnă hơdôm mơnă hơmâo anăn brơi pok hlâo hrơi blan pơkă ƀơi djop sang mơnă.