Amăng 5 thun rơgao, hơdôm bruă bơkơtưn “Quảng Ngãi gum pran hrŏm pơdŏng plơi pla phrâo”, “Yua kơ mơnuih ƀun rin - Ƀu lui lơi hlơi gah tlôn” hmâo djru pơkra glăi sang răm, pơdŏng phrâo rơbêh kơ 9.000 bôh sang dô̆, ngă giong tơhnal lŏm lui sang tơ̆i, sang dô̆ jăng jai, ba glăi tơlơi hơdip hơđong hăng kơjăp kơ mơnuih ƀôn sang.

Pơhiăp črâo ba amăng mông jơnum, ơi U Huấn, Kơ-iăng Khua git gai Ping gah tơring čar Quảng Ngãi rơkâo, amăng rơwang mơ̆ng thun 2025-2030, hơdôm bruă bơkơtưn khom dưi pơplih phrâo kơ bôh yôm, hơdră, anăp nao kơtang kơ plơi pla, anom bruă, kual asuek, ataih, pơtrut pơplih phrâo pơčeh phrâo hăng pơplih mrô, pơkĕ hrŏm kơjăp hăng apan bơni djơ̆, đam, hmao tlôn, ngă brơi tơring čar jing kual pơđĭ kyar klă hăng rơnoh pơđĭ kyar yôm phăn mơ̆ng kual Tŏng Krah dêh čar hăng Dap Kơdư./.