Khua git gai ping gah pơdah rai pran jua thâo tơngia, bơni hơ-ơč prong prin hăng dơlăm hloh pioh kơ ƀing hơmâo tuh drah pơčah asar, pơyơr pran jua yua kơ lŏn ia, kiăng pơklaih rơngai djuai ania. Khua git gai ping gah lăi pơtong, Ping gah, Kơnuk kơna hăng mơnuih ƀôn sang hơdor tơngia na nao laih anun pơpŭ mơ̆n kơ ƀing hơmâo djru laih kơ dêh čar lăng kah hăng kông ngăn yom pơphăn hloh mơ̆ng djuai ania dêh čar, jing gru pơpŭ yom hloh mơ̆ng pran jua thâo khăp kơ lŏn ia hăng tơlơi pơtô djơ̆ pran jua hiam djuai ania Việt Nam.

Bruă ngă “Hơdor tơngia tla pran”, “Ƀong boh hơdor kơ pô pla, mơñum ia hơdor kơ pô klơi” ƀu kơnong kơ jơlan hơdră prong đôč ôh, dŏ jing bruă ngă glăm ba kơđi čar hăng tơlơi phiăn  pran jua tơpă hiam. Khua git gai ping gah rơkâo sang bruă wai lăng pơjrao ba ƀing tơhan rơka rơkač ruă nuă hăng mơnuih hơmâo djru bruă kơnuk kơna ngă hrŏm djop sang bruă pơsir hmao kru, ngă tui djop mơta tơlơi pơkă pioh djru ba kơ ƀing hơmâo pơgôp pran jua yua kơ bruă hơkrŭ lŏn ia, kiăng ngă tui djơ̆ tơlơi phiăn dêh čar pơtrun, gum hrŏm bruă wai lăng ba tơlơi hơdip mơda, gơnam yua djop hăng ngă mơak pran jua lu hloh kơ ƀing gơñu.