VOV4.Jarai- Ƀirô tal hơdor glăi 77 thun hrơi tơhan rơka-tơhan djai pơsăn drơi (27/7/1947-27/7/2024), tlam hrơi anai, ƀơi Ƀirô mă bruă, Khua mir sir ơi Tô Lâm bưp ƀô̆ mơta ƀing mơnuih djru hơkrŭ ba gru đơ đam dêh čar; ƀing amĭ Việt Nam sông kơtang, ling tơhan hơđăp, tơhan rơgơi bơwih ƀong hăng sang anŏ tơhan djai pơsăn drơi jăn.

VOV4.Jarai-Hăng 80 thun hơdip mă bruă, giăm 57 thun mut Ping gah, 14 thun ngă Khua git gai Ping gah dêh čar, rơbêh 2 thun ngă Khua mir sir, rơbêh 5 thun ngă Khua git gai pơ ala mơnuih ƀôn sang dêh čar, ơi Nguyễn Phú Trọng lêng kơ pơmĭn na nao, abih pran jua hăng bruă ngă hơkrŭ mơng Ping gah hăng djuai ania, hrŏm hăng Ping gah, Kơnuk kơna git gai Khul Ping gah, abih bang mơnuih ƀôn sang, ling tơhan ba glăi lu tơlơi dưi prong yôm phăn. Lơm dŏ hơdip, Khua git gai Ping gah dêh čar ơi Nguyễn Phú Trọng hơmâo lu tơlơi pơtăn yôm phăn. Hơdôm tơlơi pơhiăp mơng ñu mut dơlăm amăng pran jua mơnuih ƀôn sang, hơmâo mơnuih ƀôn sang đăo gơnong hăng lăng yôm biă mă.

VOV4.Jarai – Mơ̆ng ngăn drăp djru jơlan hơdră pơkă mơ̆ng lŏn ia kơ pơđĭ kyar bơwih ƀong – mơnuih mơnam kual neh wa djuai ania ƀiă hăng kual čư̆ siăng rơwang (2021-2025), anom mă yua kơ bôh thâo đưm hăng hơdôm tơlơi jơnum ngui ƀơi tơring čar kual čư̆ siăng Lai Châu amăng ƀrư̆ dưi tuh pơplai, hơkrŭ glăi. Kơnang kơ hmâo ngăn drăp gum djru hăng hơdôm bruă mă sit nik, tơlơi pơmin mơnuih ƀôn sang amăng bruă pơgang, djă pioh hăng ngă tui hơdôm anô̆ yôm bôh thâo đưm djuai ania dưi pơđĭ tui, jing pran pơtrut amăng pơđĭ kyar bơwih ƀong, mơnuih mơnam, hrŏ trun rin rơpa kơjăp sui thun ƀơi tơring čar.

VOV4.Jarai-Tơdơi kơ 10 thun ngă tui tơlơi črâo trun mơng Khul git gai Ping gah “Kơtưn amăng git gai bruă mă mơng Ping gah hăng bruă djru čan prăk brơi mơnuih mơnam”, hơdôm rơtuh rơbâo čô mơnuih ƀun rin amăng tơring čar Gia Lai hơmâo djru brơi kiăng hrưn đĭ pơklaih mơng ƀun rin.

VOV4.Jarai-Tŏ tui pok pơhai akŏ bruă mrô 1371 mơng Khua dêh čar rơwang thun 2021-2027, ƀơi să kual ataih, asuek Krông Jing, tơring glông M’Drăk, tơring čar Dak Lak, anom bruă git gai ling tơhan tơring čar pơphun “Pơtô pơblang tơlơi phiăn thun 2024, pơbưp ngui adôh suang, bơrơguăt drơi jăn hăng hơdôm bruă gum djru mơnuih mơnam”.

VOV4.Jarai-Khul pơphun hơmâo jao prăk djru hrăm hră “Hrăm ƀu pơdơi ôh” brơi 463 čô mơnuih hơmâo ruah mơng hơdôm boh ƀon lan hăng 14 anih anom mơng gơnong glông, amăng anun hơmâo 290 čô čơđai sang hră hăng 173 čô mơnuih pơprong. Amăng anun hơmâo lu čơđai sang anŏ tơnap tap hrăm hră rơgơi.

VOV4.Jarai-Anai lĕ bruă mă phun amăng jơlan hơdră pơbưp nao rai tơhan hlăk ai anom bruă ling tơhan wai pơgang guai Việt Nam hăng tơhan hlăk ai kông ang dêh čar Lao, ƀơi plơi prong Kon Tum, tơring čar Kon Tum phrâo pơphun jơnum bơkơtuai hăng anăn “Kơtưn ngă hrŏm, gum tơngan hrŏm wai pơgang rơnuk rơnua, hơđong mơnuih mơnam ƀơi kual giăm guai dua bơnah.

VOV4.Jarai- Truh ră anai bruă djru braih apiăng brơi hơdôm sang anŏ pla glai hăng pơđĭ kyar glai rưng rơngiao kơ kyâo pơtâo pơprong ƀơi tơring čar Kon Tum aka ƀu ngă tui.

VOV4.Jarai-Kơ-iăng khua mir sir yă Võ Thị Ánh Xuân hrŏm hăng grup hyu mă bruă nao tŭi ñang ƀing tơhan djai pơsăn drơi jăn ƀơi pơsat dor tơhan djai pơsăn drơi jăn dêh čar Jơlan 9; pơsat tơhan djai pơsăn drơi jăn dêh čar Trường Sơn; Anih pioh hơdor Khua git gai Ping gah hơđăp ơi Lê Duẩn hăng Plơi prong sô hơđăp Quảng Trị; nao čuă, ƀơk gơnam hơdôm boh sang anŏ tui hơdră djru amăng tơring čar Quảng Trị.

VOV4.Jarai – Hơdôm thun rơgao, plơi prong Buôn Hồ (tơring čar Dak Lak) hmâo đing nao hơdôm ngăn rơnoh pioh pơđĭ kyar bơwih ƀong – mơnuih mơnam kual djuai ania ƀiă, amăng ƀrư̆ pơplih rơnoh tơlơi hơdip mơnuih ƀôn sang. Bơwih ƀong pơplih phrâo, neh wa djop plơi pla jai kơjăp gum hrŏm hơbit, gum pran hrŏm pơdŏng plơi prong Buôn Hồ jing sa bruă bơwih ƀong phun mơ̆ng tơring čar.