Kon Tum pơsit djru brơi 25 klăk prăk kơ rĭm čô mơnuih apăn bruă lơm nao mă bruă pơ tơring čar Quảng Ngãi phrâo
Thứ năm, 09:32, 26/06/2025
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Rơnoh prăk djru brơi 25 klăk prăk kơ rĭm čô mơnuih apăn bruă nao mă bruă pơ anom mă bruă phun pơdong ƀơi tơring čar Quảng Ngãi hăng rơnoh prăk djru, hơdôm tơlơi djru ba hơmâo Jơnum min pơ ala mơnuih ƀôn sang tơring čar Kon Tum tal XII-Jơnum tui bruă phara tŭ yap ngă tui.
Sit biă ñu, amăng tơlơi pơtrun mrô 23 mơng Jơnum min pơ ala mơnuih ƀôn sang tơring čar Kon Tum, rơnoh prăk djru hăng ƀing apăn bruă, mơnuih mă bruă glăk mă prăk apah mơng ngăn drăp kơnuk kơna hơmâo djru ha wŏt hăng prăk djru 25 klăk prăk sa čô mơnuih. Prăk djru mă mơng ngăn drăp tơring čar.
Kơ hơdôm tơlơi djru ba ngă tui hơdră djru ha wŏt apah brơi mơtăm kơ ƀing apăn bruă, mơnuih mă bruă amăng thun blan mă bruă ƀơi anom bruă phun pơdong ƀơi tơring čar Quảng Ngãi truh abih lơ 30/6/2026. Hăng ƀing mơnuih pơdơi mă bruă hlâo kơ lơ 30/6/2026 amra duh glăi ngăn drăp kơnuk kơna mrô prăk hơmâo djru brơi (rơngiao kơ ƀing mơnuih yua hơmâo tơlơi ƀu djơ̆ hăng anŏ kiăng đôč).
Viết bình luận