Tơdơi kơ nao čuă 4 boh sang anŏ ba gru hlâo, Kơ-iăng Khua git gai pơ ala mơnuih ƀôn sang dêh čar yă Nguyễn Thị Thanh hơmâo bưp, jao gơnam hơdor tơngia kơ 100 čô mơnuih ngă hơkrŭ amăng Đà Lạt. Kơ-iăng Khua git gai pơ ala mơnuih ƀôn sang dêh čar lăi, Ping gah hăng Kơnuk kơna đing nao biă mă bruă ngă tui jơlan hơdră djru ba kơ mơnuih hơmâo ngă hơkrŭ brơi lŏn ia rơnuk blah ngă đưm, laih dơ̆ng rơkâo tơring čar Lâm Đồng ăt pơtrut lu bruă mă “Hơdor tơngia tla pran”.

Tơring čar ră anai hơmâo rơbêh 21.000 čô mơnuih djai pơsăn drơi jăn yua kơ lŏn ia, 11.000 čô tơhan rơka rơkač hăng rơbêh 40.000 čô mơnuih ngă hơkrŭ. Rơngiao kơ 100 anung gơnam ƀơk brơi, ƀrô tal anai, yă Nguyễn Thị Thanh ăt jak iâu lu mơnuih pơdrong čơmah djru ba dơ̆ng 400 anung gơnam mơ-it nao kơ sang anŏ mơnuih ƀôn sang hơmâo anăn kơnuk kơna djru ba ƀơi tơring čar Lâm Đồng, Dak Nông hăng Bình Thuận hơđăp.