Amăng tơring čar hơmâo 8.915 boh sang anŏ hơmâo sang dŏ kjăp, hơmâo 6.828 boh sang phrâo man pơkra hăng 2.087 boh sang pơkra glăi. Rim boh sang phrâo man hơmâo djru năng ai 80 klăk, pơkra glăi năng ai 30 klăk. Amăng mrô 4 kơčăo bruă lŏm lui sang dŏ tơ̆i, Kông an tơring čar Dak Lăk sit gơñu mơtăm ngă lĕ sa ring bruă hăng 4.825 boh sang, prăk man pơkra 342 klai prăk, ngă giong tañ hloh ha mơkrah blan pơhmu hăng hrơi pơkă. 3 ring bruă dŏ glăi ăt ngă giong hlâo hrơi pơkă mơn.

Bruă ngă giong jơlan hơdră djru sang dŏ anai ƀu kơnong djru ba hơdôm boh sang anŏ rin, rin ƀơ ƀiă, sang anŏ hơmâo anăn kơnuk kơna juăt djru hăng mơnuih djuai ania ƀiă hơđong anih dŏ đôč ôh ăt pơsit tơlơi lăng ba mơ̆ng Ping gah, Kơnuk kơna amăng bruă djru ba tơlơi hơdip mơda mơnuih ƀôn sang, ngă phun atur kiăng mơnuih ƀôn sang hrưn đĭ bơwih ƀong huă đĭ./.