Ƀơi hơdôm anih nao čuă jơmư, Kơ-iăng khua dêh čar hơmâo tơña bla, pơpŭ bơni biă mă kơ tơlơi djai drơi pô, tơlơi gum pơgôp prong mơ̆ng djŏp rơnuk mơ̆ng hlâo adih yua kơ tơlơi rơngai, rơnuk rơnua Lŏn ia. Kơ-iăng khua dêh čar čang rơmang ƀing Amĭ Việt Nam sông kơtang, tơhan rơka hiam drơi jăn, suaih pral na nao, ngă gru rơđah bơngač či pơtô pơblang gru grua hiam khăp kơ lŏn ia kơ rơnuk hlăk ai; kiăng gong gai lăng ba hloh dong tơlơi hơdip mơ̆ng mơnuih djru hơkrŭ, biă ñu lĕ sang anŏ kơƀah, tơnap./.