Anai lĕ tơlơi rơkâo mơng Khua mua tơring čar Dak Lak amăng jơnum bơkơtuai pioh hơdor glăi 70 thun hrơi gru grua gơnong bruă wai lăng kơnuk kơna kơ tơlơi đăo yua gơnong bruă djuai ania hăng tơlơi đăo tơring čar Dak Lak pơphun. Tơring čar Dak Lak ră anai hơmâo rơbêh 3,3 klăk čô mơnuih, amăng anun hơmâo rơbêh 720.000 čô mơnuih tui đăo hăng giăm 4.000 čô mơnuih kŏm drơi jăn tui đăo, rơbêh 270.000 čô mơnuih djuai ania. Đơ đam hơmâo rơbêh 700 anih anom ngă yang; 1.300 boh sang jơnum hăng anih jơnum pơƀut hơdôm tơlơi đăo.

Pơsit tong tơlơi ngă yang, tơlơi đăo lĕ tơlơi kiăng amăng tơlơi hơdip amăng pran jua mơng mơnuih ƀôn sang, glăk hăng amra dŏ na nao amăng tơlơi hơdip, ơi Nguyễn Thiên Văn, kơ-iăng Jơnum min mơnuih ƀôn sang tơring čar Dak Lak rơkâo gơnong bruă djuai ania hăng tơlơi đăo tŏ tui ngă klă pơphô bruă brơi gưl Ping gah, gong gai djop gưl amăng bruă git gai ngă tui hơdôm hơdră bruă gah tơlơi đăo mơng Ping gah hăng lŏn ia, sit biă ñu lĕ tơlơi phiăn gah tơlơi ngă yang, gah tơlơi đăo; hơkrŭ hăng đing nao pơtô hrăm brơi mơnuih apăn bruă wai lăng gah tơlơi ngă yang, tơlơi đăo, pơsir hĭ klă hơdôm bruă djuai ania, tơlơi đăo mơng ƀon lan.