VOV4.Jarai – Ƀơi tơring čar Gia Lai, hơdôm bôh Sang hră gưl 3 glăk pơtrut đĭ rơnoh hrăm glăi, hơkrŭ đĭ bôh thâo kơ čơđai sang hră pơplông mă ƀăng gưl 3 Lŏn ia thun anai ba glăi bôh tơhnal prong hloh, biă ñu hăng čơđai sang hră djuai ania ƀiă, čơđai ƀơi kual tơnap tap.

VOV4.Jarai-Tơring čar Dak Lak glăk ječ ameč prap lui gơnam măi mok hăng mơnuih djru bruă amăng tal pơplông abih anih 12 thun 2024 brơi klă hloh.

VOV4.Jarai-Rơbêh 1 klăk čô mơnuih tơnap tap hơmâo arăng djru brơi amăng 6 blan akŏ thun anai (2024), anai lĕ tơlơi lăi pơthâo amăng jơnum klah čun khul ia jrao kyâo bơrơkal mriah hơdôm boh tơring čar ter hang ia rơsĭ kual Tong krah hăng Dap kơdư (kual pơplông mrô 6) pơphun amăng mơguah (03/6) ƀơi tơring čar Dak Lak.

VOV4.Jarai-Lu tơring glông kual čư̆ siămg tơring čar Bình Định ngă tui Hơdră mơ̆ng dêh čar pơkă brơi pơđĭ kyar bơwih ƀong huă mơnuih mơnam kual mơnuih ƀôn sang djuai ƀiă hăng čư̆ siăng. Thun blan rơgao, mơnuih ping gah, mơnuih arăng đăo kơnang ƀơi hơdôm tơring glông kual Čư̆ Siăng tơring čar Bình Định hơmâo kơtưn ngă bruă pôr pơthâo pơtô pơblang hăng lu hơdră, djru mơnuih ƀôn sang thâo hluh kơ bruă mă, boh tŭ yua yôm mơ̆ng hơdră anai.

VOV4.Jarai - Rơwang hrơi tơjuh rơgao, ƀơi mông jơnum lok 7, Khua mua pơ ala mơnuih ƀôn sang dêh čar tal 15, ƀing khua lăp đing nao bruă hơdjă mơnŏng ƀong huă, pơgang apui ƀong, đuh pơtuh, bruă hrăm apah, man pơdong plơi pla phrâo. Ƀing khua kiăng hơmâo hơdră klă hloh amăng bruă pơgang apui ƀong, mơnŏng ngă pơtuh, wai lăng hơƀak jrak, hơdjă mơnŏng ƀong huă.

VOV4.Jarai – Jơlan hơdră “Sang dô̆ Khul mut phung” yua kơ Khul mut phung tơring čar Dak Lak pok phun hơdôm thun rơgao hmâo rơnoh lar hyu dơlăm prong, pơdah pran jua gum djru tơdruă mơ̆ng mơnuih amăng khul, mơnuih mă bruă čar, mơnuih mă bruă kơ anom bơwih ƀong. Hluai tui jơlan hơdră, lu “Sang dô̆ Khul mut phung” dưi pơdŏng, djru ngă tui tơlơi pơplih hơđong anih dô̆ bruă mă, ngă bơngač pran đăo kơnang kơ lu sang anô̆ mơnuih mă bruă kơ anom bơwih ƀong hmâo tơlơi hơdip mơda tơnap tap.

VOV4.Jarai - Hăng lu hơdră ngă bruă hơdeč hmar, tŭ yua, tơring glông Ea Kar, tơring čar Dak Lăk ngă giong laih bruă djru man pơkra sang dŏ kơ hơdôm boh sang anŏ rin amăng Kơčăo bruă mrô 1 mơ̆ng jơlan hơdră dêh čar gơñăm pơđĭ kyar bơwih ƀong huă - mơnuih mơnam kual mơnuih ƀôn sang djuai ƀiă hăng čư̆ siăng (1719) rơwang thun 2021-2030.

VOV4.Jarai – Hrơi blung a tal jơnum lok 7, Khua pơ ala mơnuih ƀôn sang dêh čar ta tal 15, hmâo pơphun ngă giong laih bruă ruah mơnuih apăn bruă Khua mir sir hăng Khua git gai wai lăng pơ ala mơnuih ƀôn sang dêh čar. Ƀing Khua pơ ala mơnuih ƀôn sang hăng mơnuih pơ ala kơ mơnuih ƀôn sang đơ đam dêh čar leng kơ pơdah pran jua čang rơmang, pơ̆ anăp anai, Khua mir sir ơi Tô Lâm hăng Khua git gai wai lăng pơ ala mơnuih ƀôn sang dêh čar ơi Trần Thanh Mẫn amra gum hrŏm Ding jum kơđi čar, Grŭp ding kơna git gai, Grŭp mă bruă Ping gah dêh čar, Khua apăn bruă Khua pơ ala mơnuih ƀôn sang dêh čar pơsit pran jua yak rơgao tơlơi tơnap, ngă giong klă bruă mơ̆ng Ping gah, Kơnuk kơna hăng mơnuih ƀôn sang jao.

VOV4.Jarai – “Tơlơi pơtrun pơkă kơ nua lŏn kiăng pơplih tơlơi pơkă hmâo mă yua sit pơdah ñu djơ̆, ngă tui hơđong, hăng hơdôm hơdră bruă phrâo, pơplih amăng Tơlơi phiăn lŏn drŏn thun 2024”.

VOV4.Jarai-Laih hyu bưp mơnuih ruah khua, hơdôm grup khua pơ ala mơnuih ƀôn sang dêh čar amăng kual Dap Kơdư hơmâo čih pioh lu tơlơi pơgôp hiăp yôm. Amăng anun, bruă mă pơgăn hưp ham ƀong kông ngăn laih anun tuh pơ alin čuk pơkra jơlan glông jing 2 bruă yôm phun lăp đing nao ƀơi djop mông bưp mơnuih ƀôn sang ruah khua ƀơi Lâm Đồng hăng Dak Lak rơwang hrơi tơjuh rơgao.