Amăng blan hlăk ai thun anai, hlăk ai tơring čar Dak Lak hơmâo akŏ pơjing giăm 300 grup djru mơnuih mơnam, man pơkra 268 ring bruă, bruă jao hlăk ai; pok pơhai hơdôm rơtuh bruă mă djru mơnuih mơnam mut hrŏm man pơdong plơi pla phrâo hăng plơi prong rơgơi, wai pơgang jum dar, pơhlôm hlâo ayuh hyiăng pơplih sat.

Hlăk ai Dak Lak hơmâo man pơkra 29 km ring bruă “Bơngač jơlan giăm guai”, “Bơngač jơlan plơi pla”, akŏ pơjing 218 grup pơtô brơi boh thâo phrâo kơ mơnuih ƀôn sang hăng rơbêh 2.600 čô hlăk ai mut hrŏm, pơphun pơtô pơblang, pơtop hrăm, črâo ba mơnuih ƀôn sang mă yua bruă djru brơi mơnuih mơnam mơng ataih… Tơlơi ngă bơngač mơng hơdôm bruă mă mơng hlăk ai Dak Lak lĕ hơbô̆ bruă “Ruh pơkra glăi sang dŏ jang jai, sang tơ̆i phŏ”, jak iâu pơgôp 1,3 klai prăk hăng giăm 1.400 hrơi mă bruă kiăng man pơdong phrâo 32 boh sang djru brơi hlăk ai čơđai tơnap tap.