Rơbêh kơ 1.200 hơdră djru mơnuih djuai ania ƀiă Kon Tum
Thứ tư, 06:00, 07/05/2025 VOV Tây Nguyên/Siu H' Prăk pơblang VOV Tây Nguyên/Siu H' Prăk pơblang
VOV4.Jarai - Bruă pơsur “Ngă pơplih tơlơi pơmin, bruă ngă mơ̆ng neh wa djuai ania ƀiă, ngă brơi neh djuai ania ƀiă hrưn đĭ tơtlaih mơ̆ng ƀun rin kơjăp” hmâo sit nik mut amăng tơlơi hơdip mơda, dưi hmâo lu mơnuih ƀôn sang anăp nao hăng gum hrŏm klă. Anai lĕ tơlơi pơsit mơ̆ng Ping gah tơring čar Kon Tum amăng mông jơnum lơm lơ 6/5.

4 thun rơgao, hơdôm gưl gong gai, khul grŭp tơring čar Kon Tum hmâo akô̆ pơjing, djă pioh rơbêh kơ 1.200 mơta hơdră djru neh wa djuai ania ƀiă. Mơ̆ng hơdôm hơdră anai, hmâo iâo pơhrui rơbêh kơ 140 klai prăk djru mơnuih ƀôn sang pơđĭ kyar bơwih ƀong; pơplih pơkra glăi đang war; lăi pơhing tơlơi phiăn, lŏm lui phiăn juăt ƀu klă sô hơđăp...

Mơ̆ng anun, djru rơbêh kơ 37.300 bôh sang anô̆ djuai ania ƀiă ƀun rin, ƀun rin ƀơƀiă lŏm lui phiăn juăt ƀu lăp, thâo mă yua bôh thâo phrâo amăng bruă ngă đang hmua; rơbêh kơ 4.500 bôh sang anô̆ tơtlaih mơ̆ng ƀun rin kơjăp.

Ping gah tơring čar Kon Tum pơtŏng sit ba glăi bôh tơhnal, tơlơi kiăng hloh djă pioh bruă pơsur anai tơdơi kơ pơmut tơring čar hăng hơdră pơphun bruă gong gai 2 gưl pơphun mă bruă pơ̆ anăp anai. Ping gah tơring čar Kon Tum hmâo ba tơbiă amăng thun 2025 amra hrŏ trun mrô sang anô̆ ƀun rin, ƀun rin ƀơƀiă djuai ania ƀiă mơ̆ng 3-4% bơhmu hăng thun 2024./.

VOV Tây Nguyên/Siu H' Prăk pơblang

Viết bình luận

TIN CÙNG CHUYÊN MỤC

Video

Klêi mtă mtăn kơ jih jang
Ŏ buôi krô
29/07/2024
Tơgŭm ƀô đô̆i tơblăh ayăt
13/07/2024
Việt Nam ngời sáng tương lai
11/07/2024