Jơnum anai jak iâu ƀơi Dak Lak hơmâo lu khua mua pơ ala kơ sang bruă ia jrao kyâo bơrơkal mriah 19 boh tơring čar, ƀôn prong amăng kual Tong krah hăng Lŏn Dap Kơdư. Mơ̆ng anun kiăng djru ba tơring čar Dak Lak, 4 klai 500 klăk prăk pok pơhai ngă tui amăng blan tơlơi khăp pap. Gah tơring čar Dak Lak, jing tơring čar him lăng amra hơmâo 4 hơdră pơkă lăng tơlơi duăm ruă, ƀơk pha ia jrao soh đôč, man pơdong hăng ming pơkra glăi 6 boh sang apui dŏ glăi pioh djru kơ mơnuih tơnap tap đih sang ia jrao ƀơi tơring glông ataih; ƀơk gơnam, rơdêh tang rơwang, prăk hrăm hră, djru hơdră bơwih ƀong huă kơ sang anŏ ƀun rin, čơđai sang hră tơnap tap hrăm thâo.

Anai lĕ thun tal 4 ngă tui Blan djru tơlơi khăp pap hơmâo pok pơhai amăng dêh čar ta . Hăng akŏ bruă “Jơlan nao djru tơlơi papBang bơngač tơlơi khăp”, Blan djru tơlơi khăp pap thun anai pơphun mơ̆ng lơ 8-19/5, tơhnal pơkă kiăng iâu pơčruh djru hơmâo boh ƀiă ñu 400 klai prăk pioh pok pơhai djop bruă mă tơlơi khăp pap.