Khă hnun, bruă hơmâo dong rơbêh 1.300 boh sang dŏ tơ̆i, sang phô̆ anun jing tơring čar iâu pơthưr tơlơi gum djru mơ̆ng abih bang kiăng dưi ngă bruă anai.

Tui hăng Gơnong bruă djuai ania hăng tơlơi đăo tơring čar Kon Tum, phun ñu hơmâo dong rơbêh 1.300 boh sang anŏ ƀu hơmâo sang dŏ lĕ yua lơ̆m hyu hơduah ĕp blung a hơmâo ngă tui hơnong pơkă, samơ̆ yua tơlơi truh lŏn adai ngă, hơjan kơthel, ia dăo jing sang dŏ răm rai abih, ƀu thâo dŏ dong tah; Mơ̆ng bruă sem lăng tui hơnong pơkă mơ̆ng Ding jum man pơdong ba tơbiă, jing hơmâo thim sang anŏ kiăng djru dong; Hrơi blan čih anăn, tum pơƀut mrô čih pioh blung a hơmâo ngă amăng ƀiă hrơi đôč anun jing pơgao lui mơn mơnuih kiăng djru. Ƀu yap ba ôh mrô sang dŏ tơ̆i phrâo hơmâo dong, yap truh lơ 21/5, tơring čar Kon Tum hơmâo djru ruh abih sang dŏ tơ̆i, sang phô̆ kơ 2.622 boh sang anŏ, amăng anun man pơdong phrâo 2.077 hăng pơkra glăi 545 boh sang, jing hơmâo 95% amăng mrô 2.752 boh sang anŏ kiăng hơmâo sang dŏ phrâo.