Amăng anun, hơmâo rơbêh 1.500 boh sang phrâo hăng giăm 450 boh sang pơkra ming. Kon Rẫy hăng Đăk Hà lĕ dua boh tơring glông blung a pơgiong hơnong pơkă anai. Tơring čar ba tơbiă hơnong pơkă truh rơnuč blan 6 amra pơgiong bruă ruh pơkra glăi sang tơ̆i phŏ brơi 2.740 boh sang anŏ.

Samơ̆, ră anai dŏ 786 boh sang glăk man pơdong, kơnong ƀơi hơdôm boh tơring glông Đăk Glei, Kon Plông, Tu Mơ Rông. Bruă mă dŏ lu tơnap tap anun lĕ aka ƀu kah pơkra rơbêh 5 klai prăk djru brơi sang dŏ  kơ mơnuih tui hơdră djru; sa, dua boh anom bruă aka ƀu mơ-it nao 13 klai prăk tui tơlơi ƀuăn; Dak Glei kơƀah mơnuih djru bruă. Laih dong, lơm pel ĕp, ƀuh dong rơbêh 1.300 boh sang kiăng djru brơi sang dŏ kiăng hơđong tơlơi hơdip mơda.