Anai lĕ ƀing čơđai yŭ kơ 16 thun, gah čơđai tơnap tap kah hăng čơđai drit druai, čơđai muai djuai ania ƀiă, kual asuek, ataih ƀudah ană bă mơnuih apăn bruă tơhan, ling tơhan. Hơdôm hrơi rơgao, hơdôm bôh anom, mơnuih amăng gơnong bruă kông ang hmâo djru prăk rim blan, sum ao, hơdrôm hră, hră čih hăng pơsur pran jua djru ƀing čơđai hrăm hră, pơhrăm pô klă. Lu čơđai hmâo mă hră pơanăn čơđai sang hră rơgơi, čơđai hrăm thâo.

Hơdôm thun rơgao, hơdôm hơdră kah hăng “Amĭ lăng ba”, “Ană rông kông ang” dưi pok pơhai prong ƀơi hơdôm bôh anom. Amăng anun, Khul đah kơmơi Kông ang tơring čar jing pô phun ñu. Hơdôm bôh anom gum hrŏm klă anun lĕ: kông ang hơdôm bôh să, plơi prong Ayun Pa, tơring glông Kbang, Đăk Pơ, Ia Pa...