Tơdơi kơ dăp pơmut glăi, tơring čar Dak Lak hơmâo 102 boh sang bruă gưl să, ƀao, amăng anun 88 boh să,14 boh phường; 82 boh să, 14 boh phường phrâo akŏ pơdong tơdơi kơ pơmut giong, ngă tui pơblih anăn djơ̆ tơlơi phiăn hăng 6 boh să ƀu dăp glăi ôh anun lĕ să Ea Hleo, Ea Trang, Ia Lôp, Ia Rvê, Krông Knô, Vụ Bổn. Tơdơi kơ pơmut glăi, tơring čar Gia Lai lĕ hơmâo 135 boh sang bruă gưl să, hơmâo 110 boh să hăng 25 boh phường; amăng anun 101 boh să, 25 boh phường phrâo akŏ pơdong tơdơi kơ pơmut giong hăng 9 boh să ƀu pơmut ôh anun lĕ hơdôm să Ia O tơring glông Ea Grai, Nhơn Châu, Ia Puč, Ia Mơr, Ia Pnôn, Ia Nan, Ia Dom, Ia Čiă hăng să Krong.

 Tơdơi kơ pơmut glăi tơring čar Lâm Đồng hơmâo 124 boh anom bruă gưl să, amăng anun 103 boh să, 20 boh phường, 1 boh anih pơkă jing kual bơwih ƀong phara; amăng anun 99 boh să,  20 boh phường, 1 boh kual bơwih ƀong phara phrâo hơmâo tơdơi kơ dăp glăi, ngă tui pơblih anăn djơ̆ tơlơi phiăn hăng 4 boh să lĕ ƀu pơblih ôh, anun jing să Quảng Hòa, Quảng Sơn, Quảng Trực, Ninh Gia. Djop sang bruă tui hluai tơlơi dưi mơ̆ng gơñu pô, sang bruă gưl să amra akŏ pơdong tơlơi mă bruă tơdơi kơ pơmut glăi amra sit nik mă bruă mơ̆ng lơ 1/7/2025.