Amăng mrô anai, hơmâo 6.191 boh sang man phrâo hăng 1.440 boh sang ming pơkra glăi. Tui hăng akŏ bruă, tơring čar Gia Lai amra djru 8.155 boh sang pơsir sang tơ̆i sang phŏ. Amăng anun, hơmâo 6.562 boh sang man pơdong phrâo hăng 1.593 boh sang ming pơkra glăi. Rơnoh prăk tuh pơ alin abih tih lĕ rơbêh 441 klai prăk. Lơ̆m sa boh sang man pơdong rơnoh prăk 60 klăk; sang ming pơkra glăi lĕ sa boh sang djru 30 klăk prăk.

Ơi Dương Văn Tuấn, Khua Jơnum min mơnuih ƀôn sang să Ia Piar, sa amăng hơdôm să ngă giong hlâo pơsir brơi sang tơ̆i, sang phŏ ƀơi tơring glông Phú Thiện, brơi thâo: abih bang amăng glông bruă kơđi čar ngă hrŏm hăng mơnuih ƀôn sang kiăng ngă tañ giong jơlan hơdră anai. Bruă pok pơhai jơlan hơdră pơssir sang tơ̆i, sang phŏ ƀu kơnong pơsir brơi anŏ či kiăng ječ kơ mơnuih ƀôn sang 8000 boh sang đôč ôh, dŏ djru hrŏm ngă tơhnal pơkă mơ̆ng dêh čar pơhrŏ tơlơi ƀun rin hăng pơhlôm brơi klă tơlơi bơwih ƀong huă, hơdip mơda kơ mơnuih ƀôn sang amăng tơring čar Gia Lai.