
Mut hrŏm blan ngă bruă yua kơ ƀing čơđai thun 2025 hăng anăn “Đing nao ngăn rơnoh pơgiong hơdôm hơnong pơkă yua kơ ƀing čơđai”, hơdôm gơnong bruă amăng tơring čar Gia Lai gir run pok pơhai lu jơlan hơdră sit nik, hăng pran gir run ba nao ƀing čơđai, sit biă ñu lĕ ƀing čơđai kual ataih, asuek, ƀing čơđai kual mơnuih djuai ania ƀiă hăng ƀing čơđai tơnap tap hloh sa anih dŏ hơdip rơnuk rơnua, mơ-ak klă hăng bơkơnar. Bơyan pơdơi prong thun 2025 ƀơi Gia Lai, hơdôm gơnong bruă bơdjơ̆ nao đing nao biă mă kơ bruă pơtrut pơsur djru brơi gơnam tam hăng juh alum pran jua kơ ƀing čơđai sang hră ƀun rin, ƀing čơđai djuai ania ƀiă kiăng ƀing čơđai tŏ tui jơlan gah yak nao kjăp amăng bruă hrăm hră.

Tơring čar Gia Lai ră anai hơmâo giăm 5.000 čô čơđai dong amăng grup tơnap tap hloh hăng rơbêh 95.000 čô čơđai glăk tui anun mơn. Hăng tơlơi gum tơngan hrŏm, gum hrŏm mơng gong gai, hơdôm khul grup, anom bơwih ƀong sĭ mơdrô hăng mơnuih mơnam, ƀing mơnuih čung ba amăng tơring čar glăk ngă gêh gal kiăng pơđĭ kyar djop mơta.
Viết bình luận