Tui Ding jum man pơdŏng, đơ đam dêh čar hmâo 686 rơwang bruă sang dô̆ mơnuih mơnam glăk pok pơhai hăng 623 rơbâo bôh sang, amăng anun 117 rơwang bruă ngă giong laih. Kơnong kơ 5 blan akô̆ thun anai, hmâo pơdŏng giong laih rơbêh kơ 22.600 bôh sang hăng pok phun pơdŏng dong 21 rơwang bruă phrâo.

Khua dêh čar pơtŏng sit, pơđĭ kyar sang dô̆ mơnuih mơnam lĕ hơdră bruă hơđong tơlơi hơdip mơda kiăng hloh, pơhlôm tơlơi dưi hmâo anih dô̆ kơ mơnuih ƀôn sang, biă ñu mơnuih ƀu hmâo anih kơnang. Khua dêh čar bơni tơlơi gir run hơdôm anih anom, hrŏm hăng črâo rơđah ăt dô̆ lu tơlơi gun kiăng pơtlaih. Tơhnal pơkă truh thun 2030 pơdŏng giong 1 klăk bôh sang dô̆ mơnuih mơnam, kơnong kơ thun 2025 lĕ 100 rơbâo bôh sang. Khua dêh čar rơkâo hơdôm gưl khua git gai, biă ñu lĕ mơnuih apăn akô̆, khom đing nao djơ̆ rơnoh, pel ĕp glăi hơdră bruă tŭ mă ngăn rơnoh, lŏn drŏn, hră pơ-ar pioh gal brơi hloh kơ mơnuih ƀôn sang hăng anom bơwih ƀong./.