Tơdơi kơ 9 thun pok pơhai akŏ bruă mrô 939 “Djru đah kơmơi pơphun bơwih ƀong”, djop gưl khul đah kơmơi đơ đam tơring čar hơmâo gum hrŏm pơphun 168 anih pơtop hrăm kơ tơlơi bơwih ƀong sĭ mơdrô, wai lăng, akŏ pơjing akŏ bruă hăng djru čan prăk brơi hơdôm rơbâo čô ding kơna. Lu mông jơnum hơmâo pơphun kiăng ngă gêh gal brơi adơi amai pơbưp, pơlăi nao rai tơlơi găn rơgao.

Khul ăt akŏ pơjing 5 grup bơwih ƀong sĭ mơdrô đah kơmơi, djru akŏ pơjing 4 anom bơwih ƀong sĭ mơdrô hăng giăm 90 anom bơwih ƀong hrŏm, grup ngă hrŏm yua đah kơmơi ngă pô; djru rơbêh 4.700 čô đah kơmơi čan prăk hăng ba gơnam sĭ mơdrô amăng plang internet. Jơnum ăt ba tơbiă jơlan gah djru brơi đah kơmơi pơphun bơwih ƀong pơlir hăng Jơlan hơdră “Rĭm boh să sa gơnam”, laih dong ba tơbiă hơdră djru hăng jơlan gah pơgiong akŏ bruă amăng rơwang tŏ tui.