Khua git gai pơ ala mơnuih ƀôn sang dêh čar: Kiăng ngă rơđah tơlơi gơgrong kơ bruă pơkra klă sang dŏ mơnuih mơnam
Thứ tư, 10:30, 28/05/2025
VOV/Siu Đoan Pơblang
VOV/Siu Đoan Pơblang
VOV4.Jarai-Tlam lơ 27/5, Khua git gai pơ ala mơnuih ƀôn sang dêh čar ơi Trần Thanh Mẫn git gai jơnum mơng Jơnum min apăn bruă Khua pơ ala mơnuih ƀôn sang dêh čar, pơgôp hiăp kơ črăn tơlơi pơtrun ngă lông lăng sa, dua hơdră bruă yôm phara amăng pơđĭ kyar sang dŏ mơnuih mơnam.
Khua git gai pơ ala mơnuih ƀôn sang dêh čar lăi pơtong, kiăng pơkă tong ten hrơi mông ngă hră pơ-ar yua Kơnuk kơna pơkă, laih dong tŏ tui amuñ ngă hră pơ-ar kiăng bruă pơsit brơi bruă man pơdong sang dŏ mơnuih mơnam brơi tañ hloh, gêh gal; rơkâo ngă rơđah hơdră wai lăng, pơhlôm brơi klă amăng man pơdong sang dŏ mơnuih mơnam; pơhrua hơdră pel ĕp, lăng glăi, sem lăng tơdơi kơ man pơdong giong.
Hlơi pô gơgrong pel ĕp ring bruă ? Ding jum man pơdong ƀudah Jơnum min mơnuih ƀôn sang tơring čar, ƀôn prong ?kiăng pơkă tong ten, bĕ hĭ kơ bruă tơdah ƀuh răm rai ƀu hơmâo hlơi glăm ba; laih dong rơkâo pơhlôm bruă pơgang apui ƀong amăng hơdôm akŏ bruă sang dŏ mơnuih mơnam.
Viết bình luận