Ƀơi mông bưp, ƀing khua pơ ala jing Tơhan blah ngă sông kơtang, tơhan hơđăp, hlăk ai hơmâo ră ruai glăi rơnuk blah ayăt sui thun yun blan, pơdah pơƀuh hăng pran jua khin hơtai, gir kơtir hăng pran jua đăo kơnang kjăp hăng bruă hơkrŭ mơ̆ng Ping gah, mơ̆ng djuai ania. Ƀing khua ăt pơƀuh pran jua đăo kơnang hăng čang rơmang gum pơgôp pran jua, tơlơi rơgơi amăng bruă akŏ pơdong, pơgang Lŏn ia amăng rơnuk phrâo.

Pơhiăp ƀơi mông bưp, Khua git gai Ping gah ơi Tô Lâm pơsit gru grua ngă hơkrŭ Việt Nam hơdor na nao tơlơi gum djru prong prin mơ̆ng ling tơhan, mơnuih gum blah ayăt amăng djŏp plơi pla. Khua git gai ping gah lăi pơthâo hăng ƀing khua kơ tơlơi pơtrun prong mơ̆ng kơnuk kơna amra hơmâo pok pơhai amăng hrơi blan pơ anăp, pơƀuh ngă 3 mơta bruă yôm phun anun lĕ: bong kjăp anih hơdip rơngai, hơđong; đĭ kyar bơwih ƀong huă - mơnuih mơnam tañ, hơđong kjăp; pơđĭ tui tơlơi hơdip mơnuih ƀôn sang, biă ñu mơnuih ƀun rin, mơnuih drit druai ƀu hơmâo pô čem rông, pơhlôm ƀu pơklaih lui pô hlơi gah tlôn./.