Amăng mrô anai, 4.533 boh sang hơmâo ngă giong laih hăng jao kơ mơnuih ƀôn sang, dưi ngă truh 55% akŏ bruă jao. Tui hăng rơnoh jŭ yap, truh ră anai, amăng tơring čar Gia Lai hơmâo 7 boh sang bruă gưl tơring glông ngă giong tơhnal pơkă 100% hơnơ̆ng jao anun lĕ: Plơi prong Plei Ku, plơi prong An Khê, plơi prong Ayun Pa, hơdôm tơring glông Đak Pơ, Đức Cơ, Krông Pa hăng Phú Thiện.

Yua kơ anun, truh ră anai, jơlan hơdră lŏm lui sang tơ̆i, sang phŏ ƀơi Gia Lai hơmâo djru rơbêh 4.500 boh sang anŏ ƀun rin, giăm ƀun rin dưi hơđong tơlơi hơdip mơda, laih dơ̆ng pơjing rai lu tơlơi pơblih hiam hăng pơdong plơi pla phrâo klă hloh, kơtưn tơlơi đăo kơnang mơ̆ng mơnuih ƀôn sang hăng jơlan hơdră, tơlơi phiăn kơnuk kơna djru ba tơlơi hơdip mơda mơnuih mơnam amăng tơring čar.