Rơgao 4 thun, tơring čar Dak Lak hơmâo mă yua rơbêh 2.100 klai prăk ngă tui jơlan hơdră. Mah dŏ lu tơlơi gun, kơđông, samơ̆ hơdră bruă anai hơmâo tŭ mă boh tơhnal hiam klă lơ̆m dưi pơhrŏ ha mơkrah mrô sang anŏ ƀun rin kual djuai ƀiă, trun dŏ 13,7% amăng rơnuč thun 2024. Dak Lak hơmâo djru 1000 boh sang anŏ man pơdong sang phrâo; tuh pơ alin hăng ming pơkra glăi 550 ring bruă kiăng yua ječ; pơphun lu anih pơtô hrăm hră kơ ƀing aka ƀu thâo hră, pơtô bruă mă, pơđĭ kyar ngă hmua pơkra ming hăng rŭ glăi gru grua hiam đưm djuai ania.

Tơring čar ăt rơkâo tañ pơpha ngăn rơnoh tuh pơ alin pơđĭ kyar anŏ dŏ kơƀah, sem glăi pơđĭ tui rơnoh djru lŏn pơdong sang, lŏn ngă hmua pla pơjing, ia yua hơdjă. Dak Lak ăt rơkâo čih pơkra glăi jơlan hơdră djru čan prăk gơgrong anăn, kơmlai ƀiă hrŏm hăng bruă ngă beč bal hloh amăng djop hơdră dêh čar pơkă kiăng ba glăi boh tŭ yua lu hloh.