VOV4.Jarai-Phrâo anai VOV hơmâo tơlơi čih lăi nao hơdôm tơlơi gun bơdjơ̆ nao hơdôm rơtuh boh sang anŏ ƀơi să Trà Vinh, tơring čar Quảng Nam glăk dŏ hơdip amăng să Đăk Nên, tơring čar Kon Tum. Sit biă ñu sui amăng hơdôm hơpluh thun ngă gong gai 2 boh tơring čar Kon Tum hăng Quảng Nam lêng kơ bưp tơnap tap amăng bruă wai lăng. Hơdôm bruă prong ƀiă lĕ 235 boh sang anŏ, giăm 1.100 čô mơnuih ƀu dưi tŭ mă hơdôm tơlơi dưi sit nik, yua lu hơdră tuh pơ alin mơng Kơnuk kơna brơi kual tơnap tap ƀu dưi pok pơhai.

VOV4.Jarai-Hơdôm thun rơgao, bruă pơhrŏ ƀun rin hơđong kjăp lĕ sa amăng hơdôm bruă mă phun kơ plơi prong Plei Ku, tơring čar Gia Lai khom ngă.

VOV4.Jarai - Tom brơi (1/10), Grŭp hyu mă bruă mơ̆ng Jơnum min djuai ania yua kơ ơi Y Vinh Tơr, Ding kơna pơhlôm hlâo Ping gah dêh čar, Kơ-iăng Khua Jơnum min djuai ania ngă khua grŭp hmâo hyu pel ĕp, lăng tui, pơsit bruă ngă tui Jơlan hơdră pơkă mơ̆ng lŏn ia pơđĭ kyar bơwih ƀong – mơnuih mơnam kual neh wa djuai ania ƀiă hăng kual čư̆ siăng ƀơi tơring čar Kon Tum.

VOV4.Jarai - Čơtlăm tom brơi (1/10), ƀơi Ƀirô mă bruă Gong gai dêh čar, Khua dêh čar ta ơi Phạm Minh Chính git gai bruă jơnum mơ̆ng Khua apăn bruă Gong gai dêh čar hăng Jơnum min djop djuai ania mơnuih mơnam dêh čar Việt Nam, hơdôm ding jum, ƀirô kơ pok pơhai djru sut lui sang tơ̆i kơ sang anô̆ ƀun rin, sang anô̆ ƀun rin ƀơƀiă.

VOV4.Jarai-Mơguah lơ 30/9, ƀơi Hà Nội, anom bruă khua mir sir gum hrŏm hăng Ding jum kông ang hăng hơdôm anom bruă bơdjơ̆ nao jơnum lăi pơthâo tơlơi pơsit pok mơnă hlâo thun pơkă thun 2024 mơng Khua mir sir.

VOV4.Jarai-Prăp lui jơnum lok 8 khua mua pơ ala mơnuih ƀôn sang dêh čar tal 15, Jơnum min gah Mơnuih mơnam mơ̆ng sang bruă khua pơ ala mơnuih ƀôn sang dêh čar phrâo jơnum Pơtong glăi tơlơi pơhing ngă tui akŏ bruă pơđĭ kyar bơwih ƀong huă mơnuih mơnam hăng yua prăk kăk kơnuk kơna thun 2024, jŭ yap  him lăng akŏ bruă hăng rơnoh jŭ yap prăk kăk kơnuk kơna amăng thun 2025 gah bruă mă, djru mơnuih hơmâo ngă bruă hơkrŭ hăng djru mơnuih mơnam tơnap tap.

VOV4.Jarai-Trong tlam lơ 27/9, ƀơi mông jơnum lok 37, Jơnum min apăn bruă phun pơ ala mơnuih ƀôn sang dêh čar pơgôp hiăp kơ bruă pơpha rơnoh prăk tuh pơ alin kơ bruă čar sui thun man ƀrô mơ̆ng thun 2021-2025 hăng akŏ bruă yua prăk thun 2024 brơi hơdôm bruă mă, kơčăo bruă yua prăk kơnuk pơhrui mơ̆ng thun 2022 ngă giong hră pơar tuh pơ alin.

VOV4.Jarai - Amăng 3 hrơi (20-22/9), ƀơi plơi prong Buôn Ma Thuột, tơring čar Dak Lak, 18 bôh sang anô̆ ƀing čơđai drit druai ƀơi hơdôm bôh tơring čar Dak Lak, Dak Nông, Gia Lai, Khánh Hòa gum hrŏm jơlan hơdră "Anih pơđao pran jua sang anô̆ Việt" hăng čơkă mă tơlơi gum djru prăk kak mơ̆ng hơdôm bôh anom gum hrŏm.

VOV4.Jarai - Ƀơi Hà Nội phrâo pơphun Jơnum Ping gah Khua pơ ala mơnuih ƀôn sang dêh čar ta hăng Grŭp mă bruă Ping gah Gong gai dêh čar kơ bruă prăp lui kơ Tal Jơnum lok 8, Khua pơ ala mơnuih ƀôn sang dêh čar ta tal 15. Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn hăng Khua dêh čar ta ơi Phạm Minh Chính gum hrŏm git gai jơnum. Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn rơkâo, hơdôm bôh ƀirô khom mơ-ĭt hră pơ-ar truh kơ Khua pơ ala mơnuih ƀôn sang dêh čar ta hlâo kơ lơ 1/10, kiăng pơhlôm kơjăp.

VOV4.Jarai - Anom pô tuh pơplai amra gum hrŏm kơjăp hăng gong gai plơi pla hăng hơdôm bôh anom wai lăng mă yua ring bruă; lăi pơthâo na nao, pơsur neh wa pơgang akô̆ ia, pel ĕp rơnăk măi mok hăng đing pơđoh ia kiăng huăi ƀruač ia, pioh ba glăi tu yua klă hloh