VOV4.Jarai - Tlam lơ 17/5, Khua dêh čar ơi Phạm Minh Chính git gai jơnum pok pơhai, ngă tui Kơčăo bruă “Tuh pơ alin man pơkra ƀiă biă ñu 1 klăk boh sang dŏ djru ba mơnuih tơnap tap, ƀu hơmâo prăk kăk, ƀing kông ñơn rơwang thun 2021-2030”.

VOV4.Jarai - Kông an tơring čar Dak Lăk hrŏm hăng gong gai plơi pla hơmâo man pơkra giong 270 boh sang hơdor tơngia brơi kơ hơdôm boh sang anŏ tơnap tap.

VOV4.Jarai-Tlam lơ 14/5, Khua ding jum, Khua jơnum min djuai ania ơi Hầu A Lềnh nao mă bruă pơ Jơnum min mơnuih ƀôn sang tơring čar Cao Bằng kơ bruă bơwih ƀong sĭ mơdrô, man pơdong anih anom jơlan glông, sĭ mơdrô pơ tač rơngiao hăng ngă tui hơdôm jơlan hơdră tui hơnong pơkă dêh čar.

VOV4.Jarai – Amăng 5 thun rơgao, khul hlăk ai prong pran săn hơtai hơđăp tơring čar Dak Lak hmâo gum pơčruh hmâo giăm truh 5 klai prăk kơ Keh prăk hơdor tơngia ƀing gŏp, djru brơi mơnuih amăng khul tơnap tap čan pioh pơđĭ kyar bơwih ƀong.

VOV4.Jarai-Ƀơi mông bưp mơnuih ruah khua hlâo kơ nao jơnum lok 7, khua mua pơ ala mơnuih ƀôn sang dêh čar tal XV mơ̆ng Grup pơ ala mơnuih ƀôn sang dêh čar ƀơi tơring čar Lâm Đồng phrâo anai, mơnuih ruah khua ƀơi să Đồng Nai Thượng, tơring glông Cát Tiên, Lâm Đồng lăi pơthâo tơlơi kơƀah ia pruih kơ phun pla jai hrơi kơtang. Mơnuih ruah khua rơkâo kơnuk kơna tañ hơmâo hơdră man pơkra bơnư̆ pơkong ia, kiăng pơhlôm djop ia pruih ngă hmua hăng tơlơi bơwih ƀong huă sui thun kơ mơnuih ƀôn sang.

VOV4.Jarai - Kiăo tui jơlan hơdră ngă bruă hlâo kơ mông jơnum lok 7, Khua pơ ala mơnuih ƀôn sang dêh čar tal 15, tlam lơ 9/5, grup khua pơ ala mơnuih ƀôn sang tơring čar Gia Lai pơphun 3 anih bưp mơnuih ƀôn sang ƀơi tơring glông Đăk Pơ, Ia Pa hăng Mang Yang.

VOV4.Jarai-Khul ia jrao kyâo bơrơkal mriah tơring čar Gia Lai pok pơhai blan djru khăp pap thun 2024 hăng anăn “Ngă bruă djru ană mơnuih-Jao hăng tŭ tơlơi khăp pap”, ngă tui tơlơi jak iâu “Hơdôm hlăk čô mơnuih djru khăp pap” hăng hơnong pơkă djru brơi lu mơnuih tơnap tap amăng tơring čar Gia Lai hăng hơdôm boh tơring čar kual Yŭ kơdư.

VOV4.Jarai-Mơguah tom brơi (8/5), Khul ia jrao kyâo bơrơkal mriah tơring čar Dak Lak gum hrŏm hăng Jơnum min mơnuih ƀôn sang plơi prong Buôn Ma Thuột pơphun blan djru khăp pap thun 2024 hăng anăn “Bruă djru ană mơnuih-Jao hăng tŭ mă tơlơi khăp pap”.

VOV4.Jarai-Yua ngă tui hơdră pơmut hrŏm djơ̆ lăp, pơtum lu anom bruă kơđi čar hur har gum hrŏm, anun yơh ngă tui hơdră pơhrŏ ƀun rin hmar, hơđong kjăp ƀơi lu tơring čar amăng kual kơdư yŭ dêh čar (Tây Bắc) hơmâo tŭ mă lu boh tơhnal klă hiam, mrô sang anŏ ƀun rin hrŏ hmar, djru lu plơi pla, tơring čar ngă tui djop tơhnal pơkă pơđĭ kyar hmar, hơđong.

VOV4.Jarai-Phrâo rơgao, ƀing khua pơ ala mơnuih ƀôn sang hơdôm boh tơring čar amăng kual Dap kơdư hơmâo pơphun bưp mơnuih ƀôn sang hlâo kơ jơnum lok 7, Khua pơ ala mơnuih ƀôn sang dêh čar tal XV. Amăng mông bưp, mơnuih ƀôn sang hơdôm boh tơring čar amăng kual hơmâo lăi pơthâo, pơgôp hiăp amăng sa, dua bruă yôm phun.