VOV4.Jarai - Mơguah lơ 21/2, Khul ia jrao kyâo bơrơkal mriah Việt Nam pơphun jơnum hăng ƀing mă tơlơi pơhing kiăng lăi pơthâo “Blan djru khăp pap thun 2024”.

VOV4.Jarai - Ƀrô akŏ bơyan bơnga thun phrâo, Khua git gai pơ ala mơnuih ƀôn sang dêh čar Vương Đình Huệ bưp ƀing khua, mơnuih pơ ala mơ̆ng gơnong dlông hăng ƀing khua, mơnuih mă bruă mơ̆ng Anom bruă pơ ala mơnuih ƀôn sang.

VOV4.Jarai - Ƀơi mông jơnum ƀu tui tơđar lok 5, Khua pơ ala mơnuih ƀôn sang dêh čar tal 15, hơmâo tŭ ư Tơlơi pơtrun kơ hơdră ngă bruă phara hơjăn pioh ngă hơdôm jơlan hơdră dêh čar gơñăm nao. Ƀing khua pơ ala mơnuih ƀôn sang dêh čar hăng mơnuih ruah khua kual Dap Kơdư čang rơmang Tơlơi pơtrun anai amra djru hơmâo tơlơi pơkă ngă bruă amuñ ƀiă, djru kual čư̆ siăng pơtrut đĭ hơdôm tơlơi hơmâo hơđăp, hrưn đĭ, pơplih kơtang hloh.

VOV4.Jarai - Tơhan hơđăp Đinh Yom (djuai ania Bahnar) jing tha plơi plơi Stơr, să Tơ Tung, tơring glông K’ƀang, tơring čar Gia Lai. Pơ-ư pơ-ang jing ană mơnuih amăng plơi tơhan sông kơtang Núp, tơhan hơđăp Đinh Yom lêng kơ pơtrut tui gru kơnuih hiam mơ̆ng ling tơhan Wa Hồ. Glăi mơ̆ng ngă tơhan, tơhan hơđăp Đinh Yom hơmâo gum djru lu kơ plơi pla, djru plơi pla jai hrơi pơdrong sah klă hiam, biă ñu gơgrong ngă tha plơi amăng 24 thun hăng anai.

VOV4.Jarai-Bơyan phang thun phrâo truh laih, Tết pơpoh bah amăng rim sang anŏ. Hăng hơdôm sang anŏ ƀun rin ƀơi tơring čar Kon Tum lĕ Tết thun phrâo djuai ania ta thun anai mơak mơai biă mă. Hrŏm hăng bruă wai lăng ba kiăng bơyan Têt ƀu lui sang anŏ hlơi kơƀah ôh, mơ̆ng djop gưl anom bruă kơnuk kơna, khul grup mơnuih mơnam djru ba, lu sang anŏ ƀun rin amăng tơring čar hơmâo têt mơak hloh yua hơmâo dŏ lơ̆m sang phrâo mơ̆ng Hơdră dêh čar pơtrun kơ bruă pơđĭ kyar bơwih ƀong huă mơnuih mơnam kual djuai ƀiă laih anun ƀơi čư̆ siăng mơ̆ng thun 2021-2030.

VOV4.Jarai-Amăng 2 hrơi, lơ 6 hăng lơ 7/2, jing lơ 27 hăng lơ 28 hrơi têt, Anom bruă djă pioh gơnam kơnuk kơna gah kual dơnung Dap kơdư ngă hrŏm Gơnong wai lăng bruă mă Tơhan rơka hăng Mơnuih mơnam Dak Lak ƀơk braih kơ sang anŏ ƀun rin ƀơi tơring čar anai, kiăng djru mơnuih ƀôn sang huăi ư̆ rơpa amăng hơdôm hrơi têt thun 2024.

VOV4.Jarai - Sa bơyan bơnga truh dong laih ƀơi guai dêh čar tơring čar Dak Nông. Hrŏm hăng bruă pơgang kjăp lŏn ia, ƀing khua, ling tơhan pơgang guai tơring čar Dak Nông ăt glăk pơphun čơkă tê̆t kơ neh met wa pơ hơdôm boh plơi pla. Tê̆t yua anun mơn mơ-ak hloh, pơđao pran jua, ngă kjăp tui tơlơi gum pơgôp tơhan hăng mơnuih ƀôn sang.

VOV4.Jarai-Tlam lơ 5/2, ƀơi Ƀirô mă bruă, tui tơlơi git gai mơng Khua git gai pơ ala mơnuih ƀôn sang dêh čar Vương Đình Huệ, Jơnum min apăn bruă Khua pơ ala mơnuih ƀôn sang pơphun jơnum sem lăng sa, dua boh tơhnal tui tơlơi glăm ba.

VOV4.Jarai- Tơlơi phiăn lŏn mơnai (čih pơkra glăi) phrâo hơmâo Khua pơ ala mơnuih ƀôn sang dêh čar tŭ yap amăng jơnum tui tơđar amra mă yua dong mơng lơ 1/1/2023. Amăng tal čih pơkra glăi anai, tơlơi phiăn hơmâo lu črăn pơplih pơkra tui hơdră wai pơgang brơi tơlơi dưi kơ mơnuih ƀôn sang.

VOV4.Jarai-Mơguah lơ 4/2, ƀơi ƀôn prong Cần Thơ, Khua dêh čar Phạm Minh Chính nao ƀơk gơnam kơ sang anŏ kơnuk kơna djru, sang anŏ ƀun rin, mơnuih mă bruă apah, ƀing tha rơma, čơđai muai tơnap tap ƀrô čơkă thun phrâo Giáp Thìn.