Trung tướng Phạm Thế Tùng, Kơ-iăng Khua Ding jum Kông ang, nao pơhmư̆ hăng pơ ala kơ Ding jum Kông ang ƀơk laih kơ tơring čar 231 klai prăk – mrô prăk yua kơ mơnuih apăn bruă tơhan, tơhan mơ̆ng Ding jum gum pơčruh, pioh gum tơngan hrŏm tơring čar ngă tui jơlan hơdră anai.

Pơhiăp amăng mông črâo ba ƀơi mông ngă lơphet, Trung tướng Phạm Thế Tùng pơtŏng sit, Ding jum Kông ang pơkôl gum hrŏm tơring čar Gia Lai amăng bruă lŏm lui sang tơ̆i, pơhlôm brơi mơnuih ƀôn sang hmâo anih dô̆ klă, hơđong. Ñu lăi rơđah, hăng pran jua gơgrong prong, khul kông ang ba jơlan hlâo dong amăng bruă iâo pơhrui ngăn rơnoh, pơtrut tañ bruă man pơdŏng hăng pơkra glăi sang dô̆, hrŏm hăng anun pơhlôm hơđong rơnuk rơnua lơm ngă tui jơlan hơdră. Tui kơčăo bruă, tơring čar Gia Lai pơkă hlâo lŏm lui 8.485 bôh sang tơ̆i amăng jơlan hơdră “Gum tơngan hrŏm lŏm lui sang tơ̆i” amăng thun 2025./.