Dak Lak jak iâu pơgôp giăm 200 klai prăk gum tơngan hrŏm ruh pơkra glăi sang dŏ jang jai, sang tơ̆i rơ̆i
Thứ hai, 10:30, 24/02/2025
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Tơlơi lăi pơthâo mơng Jơnum min mơnuih ƀôn sang tơring čar Dak Lak truh ră anai, hơdôm anom bruă, ƀôn lan amăng tơring čar hơmâo jak iâu pơgôp abih tih ñu rơbêh 193 klai prăk kiăng ngă tui jơlan hơdră ruh pơkra glăi sang dŏ jang jai, sang tơ̆i rơ̆i brơi hơdôm sang anŏ ƀun rin, giăm ƀun rin.
Anai lĕ sa bơnah yôm amăng akŏ bruă pok pơhai akŏ bruă 214 kiăng ruh pơkra glăi sang dŏ jang jai, sang tơ̆i rơ̆i mơ̆ tơring čar Dak Lak glăk ngă tui ră anai. Lơ 1/3 pơ anăp, tơring čar Dak Lak amra sit nik man pơdong rơbêh 4.000 boh sang phrâo brơi hơdôm boh sang anŏ ƀun rin, giăm ƀun rin amăng tơring čar. Abih tih prăk mă yua him lăng brơi jơlan hơdră ruh pơkra glăi sang dŏ jang jai, sang tơ̆i lĕ rơbêh 342 klai prăk.
Ră anai hơdôm anom bruă, ƀon lan amăng tơring čar Dak Lak hơmâo jak iâu pơgôp rơbêh 193 klai prăk kiăng ngă tui jơlan hơdră. Tơring čar Dak Lak glăk gir run tañ pơgiong bruă ruh pơkra glăi sang dŏ jang jai, sang tơ̆i rơ̆i amăng ƀon lan, pơgôp djru brơi hơdôm boh sang anŏ tơnap tap hơđong tơlơi hơdip mơda.
Viết bình luận