Bruă pơsit jơlan guai amăng kual Tong wing kơdư dêh čar pioh ngă tui tơlơi dưi hăng bruă kiăng gơgrong ngă mơ̆ng Việt Nam tui hơdôm tơlơi pơkă mơ̆ng Hră kĭ pơkôl mơ̆ng Sang gum hơbit djŏp dêh čar kơ Tơlơi phiăn ia rơsĭ thun 1982 (UNCLOS) laih anun lăp djơ̆ hăng Tơlơi phiăn ia rơsĭ Việt Nam thun 2012.

Jơlan guai pioh či jŭ yap anŏ prong rơhaih mơ̆ng ia rơsĭ Việt Nam amăng kual Tong wing Kơdư dêh čar hơmâo kiăo tui tơlơi pơkôl pơkă mơ̆ng UNCLOS, lăp djơ̆ hăng anih anom ayuh hyiăng mơ̆ng kual Tong wing Kơdư dêh čar laih anun ƀu ngă soh glăi hơdôm tơlơi pơkôl pơkă jar kmar mơ̆ Việt Nam glăk kĭ hrŏm ƀudah ngă ding kơna. Jơlan guai či jŭ yap kual ia rơsĭ Việt Nam amăng kual Tong Wing kơdư dêh čar jing phun tơhnal či pơsit jơlan guai hăng hơdôm kual ia rơsĭ mơ̆ng Việt Nam tui tơlơi pơkôl UNCLOS hăng Hră pơkôl kăng guai Tong wing Kơdư dêh čar kơplah wah Việt Nam hăng Khač kĭ amăng thun 2000, jing tơlơi phiăn djru pơgang hăng ngă tui tơlơi dưi wai lăng mơ̆ng Việt Nam, bơwih brơi bruă đĭ kyar bơwih ƀong huă, wai lăng ia rơsĭ hăng pơtrut ngă hrŏm jar kmar.