Đĭ pơhiăp git gai mông jơnum, Khua anom pơtô bruă Ping gah hăng pơtô ba mơnuih ƀôn sang ơi Nguyễn Trọng Nghĩa pơsit tong, amăng hrơi blan rơgao, Ping gah, Kơnuk kơna hơmâo lu tơlơi črâo trun, hơdră bruă amăng bruă djuai ania, tơlơi đăo. Djop gưl, khul grup Ping gah ngă tui djơ̆ hơdôm tơlơi črâo trun, tơlơi pơtrun mơng Ping gah kơ bruă djuai ania, tơlơi đăo, pơhlôm djop djuai ania bơkơnar, gum pơgôp,  luă gŭ tơdruă, thâo djru tơdruă kiăng pơđĭ kyar.

Khua anom pơtô bruă Ping gah hăng pơtô ba mơnuih ƀôn sang ơi Nguyễn Trọng Nghĩa rơkâo pơ anăp anai, djop ƀon lan đing nao bơwih brơi, hrưn đĭ tơlơi hơdip mơda kơ mơnuih djuai ania ƀiă, mơnuih tui tơlơi đăo, sit biă ñu hơdôm kual ataih, asuek, kual giăm guai, bul pơtâo, kual tơnap tap hloh; djă pioh, ngă tui rơnoh yôm mơng gru grua hiam klă mơng djop djuai ania.