Anai lĕ bruă mă gah Akô̆ bruă “Lăi pơhing, pơtô juăt, pơsur, djru đah kơmơi gum hrŏm pơsir sa dua mơta tơlơi mơnuih mơnam bơdjơ̆ nao đah kơmơi rơwang mơ̆ng thun 2017-2027”. Rơgao rơbêh kơ 7 thun pok pơhai akô̆ bruă, ƀơi Dak Lak hmâo laih rơbêh kơ 1 klăk 200 rơbâo wot čô đah kơmơi hăng amĭ ama hmâo ană yŭ kơ 16 thun dưi lăi pơthâo brơi kơ tơlơi kiăng hloh khom djă pioh hăng pơhrăm pran jua, tơlơi pơmin ngă tui tơlơi phiăn; gah bruă pơtô pơhrăm ngă amĭ amai; pran dưi, bruă mă mơ̆ng đah kơmơi amăng pơhlôm klă agaih hơdjă gơnam ƀong huă; pơgang pơgăn tơlơi taih amang amăng sang anô̆.

Amăng mông bơkơtuai, ƀing pơ ala gum hrŏm bơkơtuai, lăi pơthâo tơlơi găn rơgao, hơdră ngă klă, hơdră ngă ba glăi bôh tơhnal mơ̆ng hơdôm gưl khul amăng bruă lăi pơhing, lăi pơthâo, pơtô pơhrăm tơlơi phiăn; lăng tui hơdôm tơlơi ruai pơdah brơi arăng lăng, tơlơi hmâo sit dưi pơdah hăng hơdôm clip 2 bôh pơhiăp Việt – Êđê./.