Ră anai tơring čar hơmâo rơbêh 2.000 boh sang dŏ hơmâo man giong. Hơdôm boh tơring kah hăng plơi prong An Khê hăng Pleiku hơmâo ngă giong laih. Hăng rơnoh prăk djru 60 klăk lơ̆m sa boh sang man phrâo hăng 30 klăk hăng sa boh sang pơkra glăi, hơdôm boh tơring hơmâo iâu pơthưr tơlơi gum djru ƀơi anih, pơtrut tui tơlơi prăp rơmet hlâo mơ̆ng mơnuih ƀôn sang.

Anom bruă git gai tơhan tơring čar Gia Lai hăng hơdôm puih kơđông tơhan gum djru 4.000 hrơi mă bruă, djru pơdŭ pơgiăng pơtâo čuah, pơsơi pơsă, pơdong hang hăng krăp lăng. Khă hnun, tơring čar Gia Lai ăt tơnap mơn yua nua pơtâo čuah pơsơi pơsă man pơkra sang pơmă, kơƀah mơnuih mă bruă, pô hơmâo ngă sang hai kơƀah prăk mơn. Jơnum min mơnuih ƀôn sang tơring čar git gai hơdôm boh tơring pel ĕp, git gai, hăng hơdeč ƀiă amăng bruă mă yua tơlơi gêh gal glăk hơmâo či man pơdong sang dŏ djơ̆ hrơi pơkă./.