Čơtlăm lơ 17/4, Grŭp črâo ba lŏm lui sang tơ̆i tơring čar Dak Lak pơphun bruă jơnum pơsit kơ rơnoh bruă lŏm lui sang tơ̆i ƀơi tơring čar. Truh ră anai, đơ đam tơring čar phrâo pơdŏng hăng pơkra glăi hmâo 2.400 bôh sang, kơnong kơ hmâo rơbêh kơ 40% bơhmu hăng kơčăo bruă ba tơbiă. Bôh than kaih rơnoh bruă, dưi pơsit yua kơ lŏn dô̆ ƀơi hơdôm bôh sang anô̆ hluai tui kơ pô dưi čơkă mă ñu.

Tui kơčăo bruă, 7.312 bôh sang amra dưi djru, amăng anun hmâo 5.891 bôh săng pơdŏng phrâo hăng 1.421 bôh sang pơkra glăi, pơpha jing 4 grŭp: mơnuih djru ngă hơkrŭ đưm hăng ngă hơkrŭ; sang anô̆ ƀun rin, ƀun rin ƀơƀiă tui hơdôm jơlan hơdră mơ̆ng lŏn ia pơkă; hăng hơdôm bôh sang anô̆ gah jơlan hơdră pơphun mơ̆ng tơring čar./.